عظمیٰ ویب ڈیسک

جموں// سانبہ ضلع میں بین الاقوامی سرحد (آئی بی) کے قریب بارڈر سیکورٹی فورس (بی ایس ایف) کے اہلکاروں نے ایک پاکستانی “درانداز” کو گولی مار کر ہلاک کر دیا۔
دفاعی ذرائع نے بتایا کہ الرٹ سرحدی اہلکاروں نے پیر کی رات دیر گئے رام گڑھ سیکٹر میں ایس ایم پورہ پوسٹ کے قریب مشتبہ نقل و حرکت دیکھی اور اس وقت فائرنگ کی جب مشتبہ شخص نے سیکورٹی فورسز کی وارننگ پر کوئی توجہ نہیں دی۔
انہوں نے بتایا کہ فائرنگ سے ایک شخص زخمی ہوا اور موقع پر ہی ہلاک ہو گیا۔
دفاعی ذرائع نے بتایا کہ پاک سمگلر کی لاش کے ساتھ مشتبہ منشیات کے چار پیکٹ (وزن تقریباً 4 کلوگرام) برآمد ہوئے۔ پی آر او بی ایس ایف جموں کا کہنا ہے کہ علاقے کی مزید تلاش جاری ہے۔