سری نگر//سری نگر جموں قومی شاہراہ آج دو طرفہ ٹریفک کے لئے بند ہے۔
سرکاری ذرائع نے بتایاکہ موسلا دھار بارشوں کے نتیجے میں شاہراہ پر جگہ جگہ پسیاں گر آئی ہیں جس وجہ سے ا±نہیں ہٹانے میں کافی وقت درکارہے۔
انہوں نے بتایا کہ اگر چہ شاہراہ کو قابل آمدورفت بنانے کی خاطر ہنگامی بنیادوں پر کام جاری ہے تاہم اس میں مزید کچھ وقت لگ سکتا ہے۔
ا±ن کے مطابق آج شاہراہ دو طرفہ ٹریفک کے لئے بند رکھی گئی ہے، لہٰذا مسافروں اور ڈرائیوروں سے التجا ہے کہ وہ آج اس شاہراہ پر سفر کرنے سے گریز کریں۔
حکام نے بتایا کہ دیول برج کے نزدیک 125میٹر شاہراہ کو نقصان پہنچا ہے جبکہ کیفٹ ایریا ، بیٹری چشمہ کے نزدیک بھاری برکم پسیاں گر آئیں ہیں۔
انہوں نے کہاکہ شاہراہ کو قابل آمدورفت بنانے کی خاطر کام جاری ہے۔
بتادیں کہ منگل اور بدھ کی درمیانی شب کو سری نگر جموں شاہراہ پرموسلا دھار بارشوں کے نتیجے میں پہاڑی سے بھاری برکم پتھر نیچے گر آئے جس وجہ سے شاہراہ کو شدید نقصان پہنچا ہے۔
