/ پاکستان//پاکستان نے تیسرے ٹی 20 میں نیوزی لینڈ کو 18 رنز سے شکست دیکر سیریز 1-2 سے جیت لی۔نیوزی لینڈ کے شہرماو¿نٹ ماو¿نگانوئی میں پاکستان اور میزبان ٹیم کے درمیان کھیلے جانے والے سیریزکے تیسرے اور آخری میچ میںپاکستان ٹیم نے ٹاس جیت کرپہلے بیٹنگ کا فیصلہ کیا اورمقررہ 20 اوورز میں 6 وکٹوں کے نقصان پر 182 رنز کا ہدف دیا۔ جواب میں کیوی ٹیم 6 وکٹوں کے نقصان پر 163 رنز ہی بنا سکی۔عمدہ کارکردگی پر پاکستان کے شاداب خان کو مین آف دی میچ کا ایوارڈ دیا گیا جب کہ سیریز کے بہترین کھلاڑی کا ایوارڈ محمد عامر نے حاصل کیا۔ پاکستان کی جانب سے شاداب خان نے 2 جب کہ محمد عامر، رومان رئیس، عامر یامین اور فہیم اشرف نے ایک ایک وکٹ حاصل کی۔پاکستان ٹیم نے اپنی اننگز کا آغاز کیا تو 30 رنز کے مجموعی اسکور پر احمد شہزاد 19 رنز بناکر پویلین لوٹ گئے۔ 66 کے مجموعی اسکور پر بابراعظم بھی 19 رنز بناکر آو¿ٹ ہوگئے۔ فخرزمان نے 46 رنز کی شاندار اننگ کھیلی اور مجموعی اسکور کو 106 رنز تک پہنچایا۔ دیگر بلے بازوں میں کپتان سرفراز احمد نے 29 ، حارث سہیل 20 اور عمر امین نے 21 رنز بنائے۔میزبان ٹیم کی جانب سے مچل اسینٹنر اور ایش ساو¿تھی نے 2، 2 جب کہ بولٹ اور گرینڈ ہوم نے ایک ایک وکٹ حاصل کی۔دوسری اننگ میں نیوزی لینڈ کے پہلے آو¿ٹ ہونے والے کھلاڑی کپتان کین ولیمسن تھے جو کہ 9 رنز بنا کر فہیم اشرف کی گیند پر آو¿ٹ ہوئے، 84 کے مجموعی اسکور پر کچن شاداب خان کا شکار ہوئے ، میزبان ٹیم کی جانب سے اوپننگ بلے باز گپٹل نے سب سے زیادہ 59 رنز بنائے تاہم وہ بھی 87 کے مجموعی اسکور پر شاداب خان کی گیند پر وکٹ گنوا بیٹھے۔ دیگر بلے بازوں میں روس ٹیلر 25 اور بروس 22 رنز بنا کر آو¿ٹ ہوئے۔ جبکہ اسینٹنر 24 رنز بنا کر ناٹ آو¿ٹ رہے۔واضح رہے کہ پہلے میچ میں نیوزی لینڈ نے پاکستان کو 7 وکٹ سے شکست دی تھی جب کہ دوسرا میچ پاکستان نے 48 رنز سے جیت لیا تھا۔
پاکستان نے نیوزی لینڈ کیخلاف ٹی ٹوئنٹی سیریز 1-2 سے جیت لی
