سنیل اروڑہ نے چیف انتخابی کمشنر کاعہدہ سنبھالا

نئی دہلی //(یواین آئی)//انتخابی کمیشن کے رکن سنیل اروڑہ نے اتوارکو یہاں نئے چیف انتخابی کمشنر کا عہدہ سنبھال لیا۔راجستھان کیڈر کے آئی اے ایس افسر مسٹر اروڑہ کو گزشتہ دنوں صدر جمہوریہ نے نئے چیف انتخابی کمشنر کے طورپر مقررکیاتھا۔ اروڑہ نے موجودہ چیف انتخابی کمشنر او پی راوت کی جگہ لی ہے ۔راوت کی مدت کار گزشتہ دنوں ختم ہونے کے بعد مسٹر اروڑہ کو نیاچیف انتخابی کمشنر بنایاگیاہے ۔ان کا تقررایسے وقت ہواہے جب پانچ ریاستوں کی اسمبلیوں کے لیے انتخابات ہورہے ہیں ۔مسٹر اروڑہ اطلاعات ونشریات کی وزارت میں سکریٹری رہ چکے ہیں اور انھوں نے وزارت خزانہ ،ٹیکسٹائلز کی وزارت کے علاوہ یوجنا آیوگ میں بھی اپنی خدمات انجام دی ہیں ۔وہ شہری ہوابازی کے جوائنٹ سکریٹری اور اینڈین ایئر لائنز کے چیف منیجنگ ڈائریکٹر بھی رہے ہیں ۔وہ راجستھان کے وزیرا علی کے پرنسپل سکریٹری بھی رہے ہین اور دھول پور ،الور ،ناگور اور جودھپور کے ضلع مجسٹریٹ بھی رہے ہیں ۔یواین آئی