پلوامہ اور شوپیان میںتلاشی آپریشن | کریری سے گرینیڈ بر آمد

شوپیان+بارہمولہ //شوپیان اور پلوامہ میں مسلسل محاصرے اور تلاشی کارروائیاں ہورہی ہیں۔ صوفی پورہ زینہ پورہ شوپیان علاقے میں فوج، سی آر پی ایف اور ایس او جی کی مشترکہ ٹیم نے علاقے کو محاصرے میں لیا اور تلاشی مہم شروع کی۔علاقے میں تمام راستوں کو سیل کر دیا گیا اور گھر گھر تلاشی کارروائیاں کی گئیں۔ ادھر پلوامہ کے اچھن علاقے میں عسکریت پسندوں کی موجودگی کی اطلاع ملنے پر فوج کے44آر آر، سی آر پی ایف اور ایس او جی کی مشترکہ ٹیم نے علاقے میں محاصرے میں لیا اور تلاشی مہم شروع کی۔علاقے میں تمام راستوں کو سیل کر دیا گیا اور گھر گھر تلاشی لی جارہی ہے۔ اس دوران ضلع بارہمولہ کے کریری علاقے میں پولیس نے ایک نالے سے ایک چینی دستی بم بر آمد کیا۔ سالوسہ کریری کے مقام پر نالے میں پڑے گرینیڈ کو لوگوں نے دیکھا اور پولیس کو مطلع کیا۔بعد میں پولیس نے گرینیڈ کو اپنی تحویل میں لیا۔