عظمیٰ نیوز سروس
سرینگر// وزیر اعلیٰ عمر عبداللہ نے کل بانڈی پورہ ضلع کو تقریباً 100 کروڑ روپے کے 18 بڑے پروجیکٹوں کا افتتاح اور سنگ بنیاد رکھ کر بڑے پیمانے پر ترقیاتی فروغ دیا۔ یہ کثیر شعبہ جاتی منصوبے اعلیٰ تعلیم، سڑکیں، پل، پینے کے صاف پانی، شہری ترقی اور زراعت کے بنیادی ڈھانچے پر محیط ہیں، جس کا مقصد مقامی آبادی کی اہم ضروریات کو براہ راست پورا کرنا ہے۔بڑے اقدامات میں اجس میں گورنمنٹ ڈگری کالج کی تعمیر (1`4 کروڑ)، ٹنڈی پورہ-ہکبارہ میں دریائے جہلم پر فٹ برج (10.62 کروڑ)، گورنمنٹ ڈگری کالج بانڈی پورہ میں طالبات کا ایک ہاسٹل (10 کروڑ)، اور کلوسہ میں ایک اسکول کی عمارت (3.71 کروڑ) ،مارکنڈل-حاجن روڈ کی اپ گریڈیشن (7.13 کروڑ)، واٹر سپلائی سکیم (6.66 کروڑ)، ایک کثیر منزلہ کار پارکنگ کی سہولت (3.74 کروڑ) اور پنچایتی راج انسٹی ٹیوشن کے اراکین کے لیے رہائشی اپارٹمنٹس شامل ہیں۔دورے کے دوران، وزیر اعلیٰ نے ترقیاتی منظر نامے، عوامی خدمات کی فراہمی اور مختلف سکیموں کی پیش رفت کا جائزہ لینے کے لیے ایک اعلیٰ سطحی جائزہ اجلاس کی صدارت کی۔
میٹنگ میں نائب وزیر اعلی سریندر چودھری، وزراء سکینہ ایتو (ورچوئل موڈ کے ذریعے)، جاوید رانا، جاوید احمد ڈار اور ستیش شرما، وزیر اعلیٰ کے مشیر ناصر اسلم وانی، ایم ایل اے گریز نذیر احمد خان، ایم ایل اے بانڈی پورہ نظام الدین بٹ، ایم ایل اے سوناواری ہلال اکبر لون،کئی محکموں کے سربراہان اور ضلعی افسران موجود تھے۔گزشتہ مالی سال میں بانڈی پورہ کی ترقی کو نوٹ کرتے ہوئے، وزیر اعلی عبداللہ نے تمام محکموں پر زور دیا کہ وہ اپنی ترقی کی رفتار کو برقرار رکھیں۔ انہوں نے اس بات پر زور دیا کہ حکومت نے اس سال انتظامی اور مالیاتی منظوریوں کو پہلے ہی نپٹایاگیا ہے۔ یہ فعال قدم اس بات کو یقینی بناتا ہے کہ بانڈی پورہ کے محکمے مالی سال کے اختتام پر جلدی کرنے کے بجائے کام کے موسم کو مکمل طور پر استعمال کر سکتے ہیں اور منصوبوں کو بروقت انجام دے سکتے ہیں۔ وزیر اعلیٰ نے مزید کہا کہ چیلنجنگ جغرافیائی اور موسمیاتی حالات کی وجہ سے یہ قدم ضلع کے لیے بہت ضروری ہے۔مقامی قانون سازوں نے ترقیاتی پہلوؤں کے حوالے سے حلقے سے متعلق مطالبات بھی اٹھائے جن کا وزیر اعلیٰ نے جلد از جلد جائزہ لے کر حل کرنے کا وعدہ کیا۔ وزیر اعلیٰ نے UMEED اقدام کے تحت فائدہ اٹھانے والوں میں گاڑیاں تقسیم کیں اور مقامی خود مدد گروپوں کی طرف سے لگائے گئے اسٹالز کا معائنہ کیا۔
