نئی دہلی// بین الاقوامی بازار میں خام تیل کی قیمتوںمیں آئی کمی کی وجہ سے گھریلو سطح پر تقریباً ڈیڑھ ماہ بعد پٹرول اور ڈیزل کی قیمتوںمیں کمی آئی ہے ۔ دہلی میں پٹرول 18 پیسے فی لیٹر اور ڈیزل 17 پیسے سستا ہوا ہے ۔آئل مارکیٹنگ کرنے والی کمپنی انڈین آئل کارپوریشن کے مطابق بدھ کے روز دہلی میں پٹرول 90.99 روپے اور ڈیزل 81.30 روپے فی لیٹر پر آگیا۔قبل ازیں کل 24 ویں دن تک ان میں کوئی تبدیلی نہیں ہوئی ۔ گزشتہ ماہ مسلسل 16 روز تک پٹرول اور ڈیزل کی قیمتوں میں اضافہ ہوا تھا جس سے تقریباً ہر شہر میں دونوں ایندھنوں کی قیمتیں ریکارڈ وقت کی سطح پرپہنچ گئی تھیں۔ بین الاقوامی مارکیٹ میں 15 دنوں میں خام تیل کی قیمت میں تقریبًا 10 فیصد کمی واقع ہوچکی ہے ۔ یورپ میں کورونا کی تیسری لہر کی وجہ سے وہاں ایندھن کے مطالبہ میں کمی کا خدشہ ظاہر کیا جارہا ہے ۔ اس کی وجہ سے خام تیل کی قیمت 64 ڈالر فی بیرل پر آچکی ہے ۔عام طور پر جب کچھ ریاستوں میں اسمبلی انتخابات ہونے کی وجہ سے تیل کی قیمتوں میں کوئی تبدیلی نہیں کی جاتی تھی ۔
پٹرول اور ڈیزل بالترتیب18 اور17پیسے فی لیٹر سستا
