اس طرح کے میچوں میں تھوڑی بہتر کارکردگی دکھانے والی ٹیم ہی جیتتی ہے: دھونی

ممبئی//چنئی سپر کنگز (سی ایس کے) کے کپتان مہندر سنگھ دھونی نے بدھ کے روز یہاں کولکتہ نائٹ رائیڈرز (کے کے آر) کے خلاف آئی پی ایل 14 کے 15 ویں میچ میں فتح کے بعد کہا ، 16 ویں اوور سے مقابلہ تیز گیند باز اور بلے باز کے درمیان تھا۔ وہاں ہم بہت کچھ نہیں کرسکتے تھے۔دھونی نے میچ کے خاتمے کے بعد کہا ’’اس طرح کے میچوں میں چیزیں بہت آسان ہوتی ہیں۔ میچ صرف گیند باز اور بلے باز کے مابین ہوتا ہے۔ آپ زیادہ نہیں کرسکتے۔ علیحدہ فیلڈ سیٹ نہیں کیا جاسکتا۔ اس طرح کے میچوں میں صرف وہی ٹیم جیتتی ہے جس نے کچھ بہتر کارکردگی کا مظاہرہ کیا ہے اور اس میچ میں ایسا ہی ہوا ، لیکن اگر کولکتہ کی ٹیم زیادہ وکٹیں حاصل کرلیتی تو صورت حال اس سے مختلف ہوتی۔ میں نے کرکٹ میں یہ کئی بار دیکھا ہے اور میں اوور کنفیڈینس نہیں ہوتا ہوں۔ اگر آپ نے بڑا اسکور بنا لیا ہے تو پھر یہ نہ خیال کریں کہ حریف ٹیم یہ اسکور نہیں کر سکتی۔ میں نے کھلاڑیوں سے یہ بھی کہا کہ ہم نے بورڈ میں اچھے رنز کا اضافہ کیا ہے ، لیکن ہمیں اوور کنفیڈینس نہیں ہونا چاہئے۔‘‘سی ایس کے کپتان نے کہا ’’آپ کئی ابتدائی وکٹ نہیں لینا چاہتے ہیں ، کیونکہ بعد میں بڑا ہٹر کھیلنا آتا ہے اور وہ 200 سے زیادہ رنز کا تعاقب کرتے ہوئے یقینی طور پر اپنے فطری انداز میں کھیلے گا۔ ایسی صورتحال میں آپ زیادہ کچھ نہیں کرسکتے ہیں۔ ہمارے پاس واحد آپشن تھا جڈیجہ تھے ، کیونکہ پچ قدرے خشک ہونے کی وجہ سے گیند تھوڑی بہت ٹرن ہو رہی تھی۔ بیٹنگ بہت اچھی رہی ہے۔ رتو (رتوراج گائیکواڈ) ایک ایسا کھلاڑی ہے جس نے پچھلے آئی پی ایل میں اپنی کلاس بھی دکھائی تھی۔ آپ کو ہمیشہ یہ جانچنے کی ضرورت ہوتی ہے کہ وہ ذہنی طور پر کہاں ہیں۔ ایک بار جب وہ تنقید کے دائرہ میں تھے تب میں نے ان سے پوچھا کہ آج آپ کیسا محسوس کر رہے ہیں‘‘۔یواین آئی،اظ