نیوز ڈیسک
نئی دہلی//انفورسمنٹ ڈائریکٹوریٹ (ای ڈی) نے منگل کو چینی اسمارٹ فون مینوفیکچرنگ کمپنی ویوو( Vivo) اور متعلقہ فرموں کیخلاف منی لانڈرنگ کی تحقیقات میں ملک بھر میں44مقامات پر چھاپے مارے۔دہلی، اتر پردیش، میگھالیہ، مہاراشٹرا اور دیگر سمیت کئی ریاستوں کے مقامات پر منی لانڈرنگ کی روک تھام کے قانون (PMLA) کی دفعات کے تحت تلاشیاں لی گئیں۔تحقیقاتی ایجنسی نے کہا کہ ویوو(Vivo)کو بھیجے گئے سوال کا کوئی جواب نہیں ملا۔
Related
نوپورہ سوپور میں خونریز تصادم، شہری زخمیوفاقی ایجنسی نے جموں و کشمیر میں واقع ایجنسی کے ایک ڈسٹری بیوٹر کیخلاف حال ہی میں دہلی پولیس (اقتصادی جرائم ونگ) کی ایف آئی آر کا نوٹس لینے کے بعد منی لانڈرنگ کا مقدمہ درج کیا جہاں یہ الزام لگایا گیا تھا کہ اس کمپنی میں چند چینی شیئر ہولڈرز نے اپنی شناختی دستاویزات جعلی بنائی ہیں۔ای ڈی کو شبہ ہے کہ مبینہ طور پرکاغذی کمپنیوں کا استعمال کرتے ہوئے غیر قانونی طور پر منی لانڈرنگ کی گئی اور ان میں سے کچھ ’’جرم کی آمدنی ‘‘کو بیرون ملک موڑ دیا گیا تھا یا ہندوستانی ٹیکس اور نافذ کرنے والی ایجنسیوں کو چھوڑکر کچھ دوسرے کاروباروں میں ڈال دیا گیا تھا۔
اس کارروائی کو مرکزی حکومت کے چینی اداروں اور ان سے منسلک ہندوستانی کارندوں کے خلاف جاری کریک ڈاؤن کے ایک حصے کے طور پر دیکھا جا رہا ہے جو یہاں کام کرتے ہوئے منی لانڈرنگ اور ٹیکس چوری جیسے سنگین مالیاتی جرائم میں ملوث ہیں۔گزشتہ سال دسمبر میں محکمہ انکم ٹیکس نے ملک بھر میں متعدد چینی سمارٹ فون بنانے والوں، ان کے تقسیم کاروں اور منسلک ساتھیوں کے ٹھکانوں پر چھاپے مارے تھے اور بعد میں اس نے دعویٰ کیا تھا کہ ہندوستانی ٹیکس کی خلاف ورزی کی وجہ سے 6500 کروڑ روپے سے زیادہ کی مبینہ غیر محسوب آمدنی کا پتہ چلا ہے۔
