عظمیٰ نیوز سروس
سرینگر// مرکزی وزیر داخلہ امت شاہ نے اتوار کے روز لیفٹیننٹ گورنر منوج سنہا اور وزیر اعلیٰ عمر عبداللہ کے ساتھ الگ الگ بات کرکے جموں و کشمیر میں شدید بارش کے بعد کی صورتحال کا جائزہ لیا۔بات چیت کے دوران، شاہ نے مسلسل بارش کی وجہ سے موجودہ صورتحال کا جائزہ لیا اور لیفٹیننٹ گورنر اور وزیر اعلیٰ دونوں کو مرکزی حکومت کی طرف سے پیدا ہونے والی صورتحال سے نمٹنے کے لیے ہر ممکن مدد کا یقین دلایا۔موسلا دھار بارش سے جموں ڈویژن کے کئی حصوں میں سیلاب اور لینڈ سلائیڈنگ سے معمولات زندگی متاثر ہوئے ہیں۔ مرکز نے یونین ٹیریٹری انتظامیہ کو اس صورتحال سے نمٹنے اور متاثرہ رہائشیوں کی مدد کے لیے ہر ممکن تعاون کا یقین دلایا ہے ۔
