موقف واضح، ابہام نہ دوہرا معیار | ملی ٹینسی پرکوئی سمجھوتہ نہیں | امن کی تمام کوششوں کی حمایت جاری رکھیں گے: وزیراعظم مودی

ایجنسیز

کوالالمپور// وزیر اعظم نریندر مودی نے اتوار کو کہا کہ ملی ٹینسی پر ہندوستان کا موقف مضبوط ہے – “کوئی دوہرا معیار اور کوئی سمجھوتہ نہیں” – اور اس بات پر بھی زور دیا کہ نئی دہلی انسداد دہشت گردی، انٹیلی جنس شیئرنگ اور میری ٹائم سیکورٹی میں ملائیشیا کے ساتھ تعاون کو بڑھانا جاری رکھے گا۔کوالالمپور میں ایک پریس میٹنگ سے خطاب کرتے ہوئے پی ایم مودی نے کہا “ہم سمندری پڑوسی ہیں، صدیوں سے، ہمارے دونوں ملکوں کے لوگوں کے درمیان گہرے تعلقات رہے ہیں، آج ملائیشیا دنیا کا دوسرا بڑا ملک ہے جس کی آبادی ہندوستانی نژاد ہے، ہماری تہذیبیں مشترکہ ثقافتی ورثے اور جمہوری اقدار سے جڑی ہوئی ہیں۔”۔وزیراعظم نے مزید کہا کہ انسداد دہشت گردی، انٹیلی جنس شیئرنگ اور میری ٹائم سیکورٹی میں تعاون کو مضبوط بنا کر دونوں ممالک کے درمیان سیکورٹی تعاون کو مزید فروغ دیا جائے گا۔انہوں نے کہا کہ ہم دفاعی تعاون کو مزید جامع بنائیں گے۔دہشت گردی پر، پی ایم مودی نے کہا، “ہم امن کی تمام کوششوں کی حمایت جاری رکھیں گے۔ تاہم، دہشت گردی پر ہمارا موقف بہت مضبوط ہے ،کوئی دوہرا معیار اور کوئی سمجھوتہ نہیں، میں ہندوستان اور ملائیشیا کے تعلقات کو بڑھانے کے لیے ملائیشیا کے وزیر اعظم ابراہیم کے عزم کی تعریف کرتا ہوں۔پی ایم مودی نے ملائیشیا میں رہنے والے ہندوستانی تارکین وطن کو دونوں ممالک کے درمیان ایک ” پل” قرار دیا۔انہوں نے کہا”کل، مجھے ملائیشیا میں مقیم ہندوستانی تارکین وطن سے ملنے کا موقع ملا۔ 30 لاکھ لوگوں کا یہ اجماع ایک بڑی طاقت ہے۔ ان کی فلاح و بہبود کے لیے کیے گئے اقدامات ہمارے تعلقات کو ایک انسانی توجہ فراہم کرتے ہیں،” ۔اس بات پر زور دیتے ہوئے کہ ہند-بحرالکاہل خطہ “عالمی ترقی کے مرکز” کے طور پر ابھر رہا ہے، وزیر اعظم نے کہا، “ہم آسیان کے ساتھ ساتھ پورے ہند-بحرالکاہل میں ترقی، امن اور استحکام کے لیے پرعزم ہیں۔ ہندوستان آسیان کی مرکزیت کو ترجیح دیتا ہے۔”