عظمیٰ نیوز سروس
راجوری // پیپلز ڈیموکریٹک پارٹی کی صدر اور سابق وزیر اعلیٰ محبوبہ مفتی نے جمعرات کو راجوری میں پارٹی کے زیر اہتمام افطار میٹنگ کی سربراہی کی۔اس تقریب میں ہر شعبہ ہائے زندگی سے تعلق رکھنے والے افراد نے شرکت کی جس میں روزے داروں نے نماز ادا کرنے کے بعد روزہ کھولا۔سابق وزیر اعلیٰ محبوبہ مفتی نے رمضان کے مقدس مہینے پر مبارکباد دینے والے تمام شرکاء سے بھی بات چیت کی۔اس افطار ملاقات کے دوران امن اور بھائی چارے کے لیے دعائیں بھی کی گئیں۔
