لیہہ میں مصنوعی جھیل کے کنارے ڈھ گئے | سیلاب آنے سے پل اور سینکڑوں کنال اراضی کو شدید نقصان، رابطہ سڑک تباہ

کنگن //لداخ میں مصنوعی جھیل سے آنے والے سیلاب سے ایک پل اور کھڑی فصلوں کو نقصان پہنچا ، جہاں حکام نے ایک مصنوعی جھیل کے پھٹنے کے بعد زنکار دریا کو روکنے کے بعد انتباہ دیا۔ چیف ایگزیکٹو آفیسر ، ڈسٹرکٹ ڈیزاسٹر مینجمنٹ اتھارٹی سونم چوسجور نے کہا کہ ہفتہ کے روز رمبک گائوں کے قریب ایک مصنوعی جھیل کے کنارے ڈھہ گئے ،جس کے نتیجے میں دریائے زانسکار بند ہو گیا اور اس طرح اس علاقے میں ایک مصنوعی جھیل بن گئی۔حکام نے بتایا کہ مصنوعی جھیل نے اتوار کی صبح سیلاب کو جنم دیا ، جس سے رمبک پل اور گائوں اور ملحقہ علاقوں میں کھڑی فصلوں کو نقصان پہنچا۔تاہم کسی جانی نقصان کی کوئی اطلاع نہیں ہے ۔حکام نے بتایا کہ امدادی ٹیمیں موقع پر موجود ہیں۔ڈی ڈی ایم اے نے اتوار کی شام ایک الرٹ جاری کیا تھا جس میں سینئر افسران بشمول چیف انجینئر این ایچ پی سی نیمو بازگو پروجیکٹ ، ذیلی ڈویژنل مجسٹریٹ اور خالسی اور لداخ ڈیزاسٹر رسپانس فورس کو چوکس رہنے اور دریائے سندھ میں سیلاب کے لیے تیار رہنے کو کہا گیا تھا۔حکام نے بتایا کہ نیمو میں رہنے والی آبادی کو سیلاب آنے کیلئے انتباہ دیا گیا ہے۔۔انہوں نے بتایا کہ رمبک ، زنگچین ، یوروتسے اور رمچنگ کے قریب آنے والی سڑک مین روڈ سے کٹ گئی ہے۔عہدیداروں نے بتایا کہ سینئر افسران اس صورتحال کی نگرانی کر رہے ہیں۔