ڈوڈہ//موجودہ کئی گنا آکسیجن سپلائی کو بڑھانے کے لئے گورنمنٹ میڈیکل کالج ہسپتال ڈوڈہ میں ایک نیا قائم شدہ 750 لیٹر فی منٹ (ایل پی ایم) آکسیجن جنریشن پلانٹ کامیابی کے ساتھ شروع کیا گیا ہے۔جی ایم سی ڈوڈہ ہسپتال ضلع کا نامزد کووڈہسپتال ہے اور وبائی بیماری کے پھوٹ پڑنے کے بعد سے کووڈ مریضوں کی ایک بڑی تعداد کی دیکھ بھال کررہا ہے۔اس موقع پر ڈپٹی کمشنر وکاس شرما نے خطاب کرتے ہوئے کہا کہ پلانٹ لگنے کے ساتھ ہی ہسپتال طبی آکسیجن کی ضروریات کو پورا کرنے میں خود کفیل ہوگیا ہے۔ انہوں نے مزید کہا کہ اس سے مریضوں کو رسد کے لئے دستی آکسیجن سلنڈروں پر انحصار کم ہوجائے گا ۔انہوں نے کہا کہ اس او جی پی کو مزید 1000 ایل پی ایم پلانٹ فراہم کیا جائے گا جس کے لئے متعلقہ حکام کی جانب سے ڈی پی آر تیار کیا جارہا ہے ، اس ڈی پی آر کو سی ایچ سی بھدرواہ اور گندوہ کے لئے آکسیجن جنریشن پلانٹ بھی تیار کیا جارہا ہے۔پرنسپل جی ایم سی ڈاکٹر دنیش کمار کے ساتھ ڈی سی نے نئے نصب آکسیجن جنریشن پلانٹ کے کام کا معائنہ بھی کیا۔
جی ایم سی ڈوڈہ میں 750 ایل پی ایم آکسیجن جنریشن پلانٹ چالو
ملک و جہان کی خبروں سے رہیں اپڈیٹ
نیوز لیڑ ای میل پر پائیں
