عاصف بٹ
کشتواڑ// موسمیاتی مرکز سرینگر نے8 جولائی کو جموں و کشمیر میں کئی مقامات پر ہلکی سے درمیانی اور گرج چمک کے ساتھ بارش کی پیش گوئی کی ہے۔پیشین گوئی کے مطابق، جموں ڈویژن میں خاص طور پر دیر رات اور صبح کے اوقات میں الگ تھلگ مقامات پر موسلادھار بارش ہونے کی توقع ہے، جبکہ کچھ علاقوں میں دوپہر کے دوران ہلکی بارش بھی ہو سکتی ہے۔
محکمہ موسمیات نے کہا کہ کشمیر ڈویژن کے کئی اضلاع میں ہلکی سے درمیانی بارش کا بھی امکان ہے۔9 اور 10 جولائی کے لیے، محکمہ نے کئی مقامات پر ہلکی سے درمیانی بارش اور گرج چمک کے ساتھ بارش کی پیش گوئی کی ہے۔11 سے 12 جولائی تک، جموں و کشمیر میں کئی مقامات پر بارش اور گرج چمک کے ساتھ ایک یا دو بارشیں متوقع ہیں، جب کہ الگ تھلگ علاقوں میں موسلادھار بارش اور ہلکی تیز بارش ہوسکتی ہے۔اپنی ایڈوائزری میںمحکمہ نے 8 اور 11 جولائی کو شدید بارش کے امکان سے خبردار کیا ہے۔محکمہ نے یہ بھی خبردار کیا ہے کہ وادی چناب اور پیر پنجال رینج میں خطرناک مقامات پر سیلاب، لینڈ سلائیڈنگ اور مٹی کے تودے گر سکتے ہیں۔
