افغانستان کی چین ، ہندوستان اور روس سے مددکی اپیل

کابل//یو این آئی//افغانستان نے چین ، ہندوستان اور روس سے کہا ہے کہ وہ اس کے اندرونی معاملات میں مداخلت کرنے کے بجائے دہشت گردی کے خلاف جنگ میں ہماری سیکیورٹی فورسز کے ساتھ تعاون کریں۔افغانستان کے صدر اشرف غنی کے قومی سلامتی کے مشیر حمد اللہ محیب روس 24 نیوز چینل کو بتایا ، "ہمیں ایک سپر پاور کو دوسرے کے ساتھ تبدیل کرنے کی ضرورت نہیں ہے ۔" امن و استحکام اسی وقت ممکن ہے جب ہم ایک دوسرے کے ساتھ تعاون کریں۔ ہم غیر ملکی طاقتوں سے اپیل کرتے ہیں کہ وہ دہشت گردی کے خلاف جنگ میں ہماری سیکیورٹی فورسز کی تعاون کریں۔ انہیں ہمارے داخلی معاملات میں مداخلت نہیں کرنی چاہئے ۔ ہم یقینی طور پر چین ، ہندوستان اور روس سمیت تمام غیر ملکی طاقتوں کی تکنیکی مدد کا خیرمقدم کرتے ہیں۔ "اس دوران فغانستان کے صدر اشرف غنی نے ہفتے کے روز خوست ایئرپورٹ کا افتتاح کیا۔ صدر ہاؤس نے بتایا کہ مسٹر غنی نے پہلے نائب صدر امیراللہ صالح اور دیگر اعلیٰ افسران کے ساتھ خوست صوبے کا دورہ کیا۔ وہ سکیورٹی افسران اور صوبے کے کچھ باشندوں کے ساتھ بات چیت کریں گے ۔