کشتواڑ کے مغل میدان میں بیوٹیشن کورس کا انعقاد

کشتواڑ//مقامی خواتین کی خود انحصاری میں مدد کرنے کی کوشش میں فوج ضلع کشتواڑ کے دید پیٹھ میں 17 سے 23 نومبر 2021 تک ایک ’بیوٹیشن کورس‘ کا انعقاد کر رہی ہے۔ کشتواڑ کی ایک تجربہ کار اور پہچانی جانے والی بیوٹیشن مسز کنچن لتا کے ذریعہ علاقے کی 10 خواتین کو بیوٹیشن کی تربیت دی جارہی ہے۔ کورس میں جلد کی دیکھ بھال کے تمام پہلو شامل ہیں۔ تربیت کا مقصد غریب اور دیہی خواتین کو شامل کرنا ہے جنہیں اپنی مہارت کو بڑھانے کے لیے ایک پلیٹ فارم دیا جائے گا۔ اس اچھی طرح سے لیس "چناب بیوٹی پارلر" کو ان کی خود انحصاری اور بااختیار بنانے کے لیے ان کے حوالے کیا جائے گا۔فوج کے اس اقدام کو نوجوانوں اور مقامی لوگوں نے بے حد سراہا جنہوں نے روزگار کے مواقع پیدا کرنے کے اس منفرد پلیٹ فارم کی تعریف کی۔ اس طرح کی تربیت کے انعقاد سے علاقے کے بے روزگار نوجوانوں کو فائدہ مند روزگار تلاش کرنے میں مدد ملے گی۔