ڈی سی پونچھ کا سرنکوٹ میں نئے سیب کے باغات کا دورہ

 پونچھ//ضلع ترقیاتی کمشنر پونچھ راہول یادو نے سرنکوٹ میں نئے قائم کردہ اعلی قسم کے سیب کے باغات کا دورہ کیا۔ اس دوران ان کے ہمراہ ساتھ چیف ہارٹیکلچر آفیسر راجندر کمار لاچن اور محکمہ باغبانی کے دیگر متعلقہ افسران بھی موجود تھے۔ دورے کے دوران ، ڈی ڈی سی نے کاپیکس اسکیم کے تحت محکمہ ہارٹیکلچر کے نئے قائم کردہ اعلی قسم کے سیب کے باغات کا معائنہ کیا۔اس سلسلہ میں جانکاری دیتے ہوئے چیف ہارٹیکلچر آفیسر نے بتایا کہ محکمہ کی جانب سال 2020-21 کے دوران مجموعی طور پر 146 ہیکٹر رقبے کا استعمال کیا گیا ہے اور عمومی طور پر پودے لگانے میں 270 ہیکٹر رقبے کو باغبانی سنٹرل اسپانسرڈ اسکیم (ایم آئی ڈی ایچ) کے تحت انٹیگریٹڈ ڈویلپمنٹ اور 258 ہیکٹر اضافی رقبہ کو بھی شامل کیا گیا ہے۔انہوں نے کہا میں کاشتکاروں کو دس لاکھ روپے کی  50،000 فی ہیکٹرسبسڈی دی جاتی ہے – ڈی ڈی سی نے چیف ہارٹیکلچر آفیسر سے کہا کہ وہ ہارٹیکلچر سینٹرل اسپانسر شدہ اسکیموں کی مربوط ترقی کے مشن کے بارے میں زیادہ سے زیادہ آگاہی پیدا کرے تاکہ لوگ فائدہ اٹھاسکیں۔