سرینگر// پولیس ریکروٹمنٹ بورڈ نے 2خواتین اور2بارڈر بٹالین کیلئے دو الگ الگ نوٹیفیکیشنز میں جسمانی ٹیسٹ کے لئے تاریخوں کا اعلان کیا ہے۔ نوٹیفکیشن کے مطابق2 خواتین بٹالین کے لئے صوبہ کشمیر کے جن امیدواروں نے کانسٹیبل کے عہدے کے لئے درخواستیں دی ہیں، کا جسمانی ٹیسٹ آر ٹی سی ہمہامہ گرائونڈ میں 28جون سے 30جون تک منعقد کیا جارہا ہے۔2 بارڈر بٹالین کی بھرتی کے لئے جاری کردہ نوٹیفکیشن کے مطابق ، صوبہ کشمیر سے تعلق رکھنے والے تمام امیدواروں (ضلع بارہمولہ ، بانڈی پورہ اور کپواڑہ) کو مطلع کیا گیا ہے کہ ان کا جسمانی ٹیسٹ3جولائی کو ہوگا۔ امیدواروں کو مشورہ دیا گیاہے کہ وہ جموں و کشمیر پولیس کی ویب سائٹ (www.jkpolice.gov) پر صبح 9 بجے سے بالترتیب24جون اور28جون کو اپنے داخلی کارڈ ڈائون لوڈ کریں۔ امیدواروں سے کہا گیا ہے کہ وبائی بیماری کے پیش نظرکورونا منفی سرٹیفکیٹ بھی ساتھ رکھیںاور آر ٹی پی سی آر ٹیسٹ لازمی طور پر پچھلے 48 گھنٹوں کے اندر کرایا گیا ہو۔ اس کے علاوہ امیدواروں کیلئے لازمی ہے کہ وہ اپنے ساتھ داخلی کارڈ ، درست شناختی ثبوت اور تمام اصلی اسناد ساتھ لائیں۔
پولیس ریکروٹمنٹ | 28سے30جون تک جسمانی ٹیسٹ ہونگے
ملک و جہان کی خبروں سے رہیں اپڈیٹ
نیوز لیڑ ای میل پر پائیں
