ٹیلر اور فرانسس گروپ کیساتھ کتابیں شائع کرنے پرتبادلہ خیال

اونتی پورہ //اسلامک یونیورسٹی آف سائنس اینڈ ٹیکنالوجی کی رومی لائبریری نے جمعرات کو ٹیلر اور فرانسس گروپ کے تعاون سے ایک ورکشاپ کا انعقاد کیا جس میں 'ٹیلر اور فرانسس گروپ کے ساتھ کتابیں شائع کرنے کے ضمن میںتبادلہ خیال کیا گیا ۔ یہ گروپ علم کو زندہ کرنے کے لیے دنیا بھر میں محققین، علمی معاشروں، یونیورسٹیوں اور لائبریریوں کے ساتھ شراکت داری کرتے ہوئے اعلیٰ معیار کی کتابیں اور ہم مرتبہ نظرثانی شدہ جرائد شائع کرتا ہے۔ شرکاء سے خطاب کرتے ہوئے ڈین اکیڈمک افیئرز پروفیسر اے ایچ مون نے کتابوں کی اشاعت کی اہمیت پر روشنی ڈالی جو کہ وسیع تر علمی برادری تک پہنچنے اور ایک ہی موضوع پر نظر رکھنے والے متعدد تحقیقی موضوعات، نظریات، مباحثوں اور تنقیدی بصیرت کو اکٹھا کرنے کا موقع فراہم کرتی ہیں۔ مختلف لینز سے اس طرح ایک بین الضابطہ نقطہ نظر فراہم کرتا ہے۔ ڈین ریسرچ پروفیسر ایچ آر نائیک نے رائے دی کہ کتاب کی اشاعت مصنف کو موضوع کی گہرائی میں جانے اور ابھرنے والی نئی تعمیرات کی طرف منتقلی کے لیے جگہ فراہم کرتی ہے کیونکہ کتابیں ثقافتی نمونے ہیں جو ثقافتوں اور نسلوں میں منتقل ہوتی ہیں۔ قبل ازیںآئی ،سی لائبریرین ڈاکٹر افروز احمد بساطی نے مہمانوں اور شرکاء کا خوش آمدید کیا جس کے دوران انہوں نے رومی لائبریری کی یونیورسٹی اور سوسائٹی کے شعبوں تک پہنچنے کی کوششوں پر روشنی ڈالی۔ ایڈیٹر ٹی اینڈ ایف گروپ گوروجیت سنگھ نے اس موضوع پر ایک تفصیلی پریزنٹیشن پیش کی اور ڈائریکٹر سیلز T&F ایم گوپی ناتھ نے ورکشاپ کے انعقاد میں تال میل کے لیے یونیورسٹی کا شکریہ ادا کیا۔ پریزنٹیشن کے بعد سوال و جواب کا سیشن ہوا۔ اس موقع پر لائبریری کے لیے ان کی خدمات کے اعتراف میں سابق لائبریرین سید ریاض روفائی کو بھی اعزاز سے نوازا گیا۔ اسسٹنٹ لائبریرین شیخ شعیب ڈائس انچارج تھے اور سینئر سیلز منیجر T&F گروپ یوگیش سریواستو نے شکریہ کی تحریک پیش کی ۔