اشتیاق ملک
ڈوڈہ //ڈوڈہ پولیس نے سماج مخالف سرگرمیوں میں ملوث ہونے کے الزام ایک بالائی ورکر (او جی ڈبلیو) کو گرفتار کر کے پبلک سیفٹی ایکٹ میں اودھمپور جیل میں بند کیا ہے۔ضلع پولیس کی جانب سے جاری تفصیلات کے مطابق محمد رفیع عرف پینکا ولد غلام قادر شیخ ساکنہ فیگسو سماج دشمن سرگرمیوں میں اکثر ملوث پائے گئے اور امن و اماں کے لئے خطرہ بن رہے تھے۔پولیس کے مطابق مذکورہ شخص ٹھاٹھری و دیگر مضافاتی علاقہ میں فرقہ وارانہ ہم آہنگی کو بھی نقصان پہنچانے کی کوشش کررہے تھے۔پولیس نے اس کا سنجیدہ نوٹس لیتے ہوئے دفعہ 8 پی ایس اے 1978میں گرفتاری حکمنامہ جاری کرتے ہوئے ضلع مجسٹریٹ ڈوڈہ نے بھی دستخط کئے۔پولیس نے اپنے بیان میں کہا کہ علاقہ میں امن و اماں قائم رکھنے کی غرض سے یہ کاروائی کی گئی۔ پولیس کے مطابق ضلع میں امن و بھائی چارہ کو نقصان پہنچانے کی کسی کو اجازت نہیں دی جائے گی اور جو بھی اس کا مرتکب پایا گیا اس کے خلاف سخت کارروائی عمل میں لائی جائے گی.
