وادی اور جموں کی صنعتی انجمنیں وزیر خزانہ سے ملاقی

 جموں //فیڈریشن آف چیمبرز آف انڈسٹریز کشمیر اور فیڈریشن آف انڈسٹریز جموں کے صدور وززیر خزانہ سے ملاقی ہوئے ور ریاست جموں و کشمیر میں جی ایس ٹی کے اطلاق سے صنعتوں کو درپیش مسائل سے آگاہ کیا ۔ جموں میں ایف سی آئی کے صدر محمد اشرف میر اور فیڈریشن آف انڈسٹریز جموںکے صدررتن ڈوگرا نے وزیر خزانہ کو جی ایس ٹی کے اطلاق سے تجارت پیشہ افراد اور صنعت کاروں کومشکلات سے آگاہ کیا اور بتایا کہ جی ایس ٹی سے ریاست میں کام کرنے والے کئی بڑے صنعت کاروں کو اپنی فیکٹریاں بند کرنی پڑی ہے۔ وزیر خزانہ کو پہلے جاری کئے گئے سرکیلروں کے بارے میں بھی جانکاری دی گئی جن سے چند لوگوں کو فائدہ پہنچا ہے۔ وفد نے وزیر خزانہ کو بتایا کہ وہ ریاست میں لاگو کئے گئے ۔ایس جی ایس ٹی اور سی جی ایس ٹی کو واپس لیکر ہی صنعت کاری کو بچا سکتے ہیں۔ انہوں نے کہا کہ وادی میں قائم چھوٹے کارخانہ دار سخت موسم اور جغرافیائی پوزیشن کی وجہ سے پہلے ہی سخت نقصان سے دو چار ہے۔ وفد نے وزیر خزانہ کو بڑھتے ہوئے این پی ایز اور آنے والے بجٹ میں بزنس اکاﺅنٹ پر لگے سود کو واپس لینے کا مطالبہ کیا ہے۔ اس موقعے پر بجلی پر لگے سرچارج اور جرمانوں پر بھی بات کی گئی۔ وزیر خزانہ کے ساتھ منیفیکچرنگ، مقامی چیزوں کی قیمت اور خریداری اور دیگر مسائل پر بھی بات کی گئی۔ اس موقعے پر کھیل کود کے سامان بنانے والی صنعتوں کے بارے میں بھی بات چیت کی گئی۔ وفد نے وزیر خزانہ سے گزار ش کی ہے کہ جموں و کشمیر میں صنعت کاری کے فروغ کیلئے صنعت کاریوں کیلئے مخصوص پیکیج دیں۔

 

 مواقعِ روزگار پیدا کرنے کےلئے کئی اقدامات زیرعمل

۔3 برسوں میں پی ایس سی نے 3290اور، ایس ایس بی نے 19583 اسامیاں پُر کیں