نعیمہ احمد مہجور کے ہاتھوں کلام فاو نڈیشن کی ویب سائٹ کاافتتاح

 پونچھ//عبدالکلام ہیومن ویلفیئر فاونڈیشن کی جانب سے ضلع پونچھ کے ضیاالعلوم ہائی اسکول میں ایک پروگرام منعقد کیا گیا جس میں ریاستی خواتین کمیشن کی چیئرپرسن نعیمہ احمد مہجور نے فاو¿نڈیشن کی ویب سائٹ لانچ کی ۔ اس موقعہ پر کلام فاو¿نڈیشن کی کارکردگی کو سراہتے ہوئے نعیمہ احمد مہجور نے کہا کہ کلام فاو¿نڈیشن نے پچھلے دو سال میں بہترین کارکردگی انجام دی ہے جس کی وہ خود شاہد ہیں۔ان کاکہناتھاکہ سیمینار کا اہتمام کرنے سے غریبوں اور یتیموں کی مدد تک اس فاو¿نڈیشن نے اپنا بہترین رول ادا کیا ہے اور بہت کم ذرائع ہونے کے باوجود لوگوںتک رسائی حاصل کی ہے ۔انہوںنے کہاکہ وہ کلام فاو¿نڈیشن کی پوری ٹیم اور اس کے چیئرمین خلیل احمد بانڈے کو مبارکباد پیش کرتی ہیں اور امید ہے کہ تنظیم کی طرف سے اس طرح کے پروگرام آئندہ بھی جاری رہیںگے ۔ اس موقعہ پر سیکریٹری برائے ریاستی خواتین کمیشن اعجاز عبداللہ ، ایڈیشنل ڈپٹی کمشنر بشارت انقلابی ، ضلع سماجی بہبود آفیسر نعیمہ النسا ، منیجرڈی آئی سی پونچھ وحید احمد ، ضیاالعلوم پونچھ کے چیئرمین مولانا سعید اے حبیب ، پرنسپل ضیاالعلوم وحید بانڈے ، فنِ تعلیم کے ماہر محمد امین قمر ،معروف ناظم پردیپ کھنّا اور والی بال کوچ طارق خان بھی موجود تھے ۔