حُسنِ گلِ گلزار کی تعریف کروں میں
ہر دور میں سَرکار کی تعریف کروں میں
زلفِ شبِ بیدار کی تعریف کروں میں
اُس مطلعِ انوار کی تعریف کروں میں
دشمن بھی جنہیں دیکھ کے پاتے ہیں ہدایت
اُن صاحبِ اَسرار کی تعریف کروں میں
مجھ سے بیاں ہوتا ہی نہیں حُسنِ پا ان کا
کیسے لب و رخسار کی تعریف کروں میں؟
جس جرأتِ انکار نے روندھے بتوں کے سر
اس جرأتِ انکار کی تعریف کروں میں
اُتنی ہی مہکتی ہے زباں عشق میں میری
جتنی شہِ ابرار کی تعریف کروں میں
عذراؔ یہ تمنا ہے کہ خود یار بلالے
اور در پہ درِ یار کی تعریف کروں میں
عذرا حکاک
سرینگر، کشمیر
ای میل؛[email protected]
