عظمیٰ نیوز سروس
سرینگر//ڈائریکٹر زراعت کشمیر چودھری محمد اقبال نے کل سیڈ ملٹی پلیکشن فارم گنگ بگ کا دورہ کیا۔ انہوں نے فارم کے مختلف بلاکس کا معائنہ کیا اور مختلف زرعی سرگرمیوں کا جائزہ لیا۔انہوں نے کہا کہ محکمہ نے ایک پہل شروع کی ہے اور کشمیر ڈویژن کے لیے بیج کی ضرورت کے شعبے میں خود انحصاری حاصل کرنے کے لیے محکمانہ فارموں کی افادیت کو بہتر بنانے کی کوشش کر رہا ہے۔ انہوں نے مزید کہا کہ ہم نے پہلے ہی مختلف محکمانہ فارموں سے ربیع کی پیداوار کو زیادہ سے زیادہ کرنے کے لیے بہت سی مداخلتیں شروع کر دی ہیں۔ڈائریکٹر زراعت نے کہا کہ محکمہ تمام محکمانہ فارموں کو محکمہ کے لیے آمدنی اور روزگار پیدا کرنے والے اثاثوں میں تبدیل کرنے کے لیے ایک جامع منصوبہ بندی کر رہا ہے۔ڈائریکٹر زراعت نے متعلقہ تکنیکی ماہرین کی کاوشوں کو سراہتے ہوئے کہا کہ وہ قریبی ہم آہنگی کے ساتھ کام کریں، تاکہ آنے والے سالوں میں فارم نئی بلندیوں کو حاصل کر سکے۔
