مطلوب جعلساز پولیس کی گرفت میں جموں کشمیربینک کی

سرینگر//پولیس نے جموں و کشمیر بنک کی جعلی ویب سائٹ بنانے والے جعلساز کو گرفتار کیا ہے ۔اس سلسلے میں پولیس کی طرف سے جاری بیان میں کہا گیا ہے کہ پولیس اسٹیشن کوٹھی باغ نے ایف آئی آر زیر نمبر 14/2018زیر دفعہ 419آر پی سی 66انفارمیشن ایکٹ کے تحت درج کیس کے سلسلے میں ملوث شخص کی گرفتاری عمل میں لا کر ایک بڑی کامیابی حاصل کی ۔ 11مارچ 2018کوجموںوکشمیر بینک کے چیف انفارمیشن سیکورٹی آفیسر خورشید مظفر نے پولیس اسٹیشن کوٹھی باغ میں تحریری طورپر رپورٹ درج کی کہ چند نامعلوم افراد نے جے کے بینک کی جعلی وئب سائٹ بنائی ہے۔چنانچہ پولیس نے اس ضمن میں کیس درج کرکے بڑے پیمانے پر تحقیقات شروع کی جس دوران پتہ چلا کہ دو افراد جن کی شناخت الیاس احمد میر ولد غلام حسن ساکنہ برازلو کولگام اور جنید بشیر ولد بشیر احمد شیخ ساکنہ ڈل حسن یار حبہ کدل سرینگر کے بطور ہوئی ہے، نے مذموم مقاصد کی تکمیل کیلئے جموںوکشمیر بینک کے نام پر جعلی وئب سائٹ بنائی ۔ پیشہ ورانہ صلاحیتوں کو بروئے کار لاکر پولیس نے ایک جعلسازکو گرفتار کیا ۔ اس سلسلے میں مزید تحقیقات جاری ہے۔