جاوید اقبال
مینڈھر //مینڈھر سب ڈویژن کی سرحدی پنچایت لوہر اچھاد میں پینے کے صاف پانی کی قلت کی وجہ سے عام لوگوں کو پریشانی کا سامنا کرناپڑرہا ہے ۔مکینوں نے بتایا کہ پنچایت کی وارڈ نمبر 7میں پینے کے صاف پانی کا کوئی بندوبست ہی نہیں ہے ۔انہوں نے بتایا کہ محکمہ جل شکتی کی جانب سے آج تک گائوں میں پینے کے صاف پانی کا کوئی بندوبست ہی نہیں کیاگیا ہے ۔غور طلب ہے کہ تحصیل منکوٹ کی پنچایت لوہر اچھاد کی وارڈ نمبر سات ایک پسماندہ گائوں ہونے کی وجہ سے لوگ پینے کا صاف پانی میلوں دور سے لانے پر مجبور ہیں ۔مقامی لوگوں نے بی ڈی سی ،ڈی ڈی سی اور ضلع ترقیاتی کمشنر پونچھ سے اپیل کرتے ہوئے کہاکہ گائوں میں ہینڈپمپ نصب کیاجائے تاکہ عام لوگوں کو پینے کا صاف پانی میسر ہو سکے ۔
