آمنہ یاسین ملک، پلوامہ
’’اے عورت! خود کو پہچان — آپ قوم کی مضبوط بنیاد ہے۔‘‘
جب ہم کسی عمارت کی پائیداری کی بات کرتے ہیں تو سب سے پہلے اس کی بنیاد پر نظر ڈالتے ہیں۔ اگر بنیاد مضبوط ہو تو عمارت صدیوں تک قائم رہتی ہے۔ بالکل اسی طرح، معاشرے کی بنیاد عورت ہے۔ وہ ہستی جو خاموشی سے نسلوں کو سنوارتی ہے، اخلاق سکھاتی ہے، قربانی دیتی ہے اور کسی گمنام معمار کی طرح عظیم کردار نبھاتی ہے۔
اے عورت! آپ صرف جسم نہیں، آپ احساس ہے۔ آپ صرف رشتوں کا نام نہیں بلکہ ان رشتوں میں روح پھونکنے والی طاقت ہے۔ جب آپ مسکراتی ہے تو گھر میں بہار آتی ہے۔ جب آپ ہمت کرتی ہے، تو نسلیں جینا سیکھتی ہیں اور جب آپ سنورتی ہے تو معاشرہ سنور جاتا ہے۔
آپ زندگی کی روشنی ہے۔ آپ کو شاید کبھی کسی نے بتایا نہ ہو، لیکن آپ کی خاموشی بھی طاقت ہے، آپ کا صبر بھی انقلاب ہے۔ جب ایک عورت خود کو پہچان لیتی ہے تو وہ صرف خود کو نہیں سنوارتی، بلکہ اپنے ارد گرد کی دنیا کو بدلنے لگتی ہے۔دنیا کی کامیاب قوموں کے پیچھے اگر کوئی سب سے مضبوط کردار رہا ہے تو وہ عورت کا تھا۔ — ماں، بیوی، بہن یا بیٹی کے روپ میں۔ وہ نرم لہجہ، وہ سادہ بات، وہ دعائیں، وہ تسلیاں، وہ بے لوث محبت ۔۔۔ یہ سب عورت کے تحفے ہیں جو وہ اپنے خاندان کو روز دیتی ہے۔
عورت اور خوداعتمادی : آپ کی طاقت اس میں نہیں کہ آپ دوسروں جیسے بنو بلکہ اس میں ہے کہ آپ اپنی پہچان کو محسوس کرو۔ آپ کی اصل خوبصورتی آپ کے خلوص، آپ کی مہربانی، آپ کی قربانی اور آپ کے خوابوں میں چھپی ہوتی ہے۔اے عورت! اپنی ذات کو چھوٹا نہ سمجھو۔ آپ چاہو تو ہر وہ منزل پا سکتی ہو جو آپ کے دل میں ہے۔ آپ چاہو تو نہ صرف خود کو بلکہ پوری دنیا کو بہتر بنا سکتی ہو۔ لیکن اس کے لیے ضروری ہے کہ آپ سب سے پہلے خود کو پہچانو۔
عورت کا کردار۔ خاموش انقلاب: آپ کسی ایک کردار تک محدود نہیں ہو۔ آپ ماں ہو تو ایک نسل تیار کر رہی ہو، آپ بیوی ہو تو ایک خاندان کو سنبھال رہی ہو، آپ بہن ہو تو پیار کا سائبان ہو، آپ بیٹی ہو تو رحمت کی مثال ہو اور اگر آپ خود مختار ہو تو دنیا کو نئی جہتوں میں سوچنا سکھا رہی ہو۔اپنے آپ کو کسی سے کم نہ سمجھو، نہ اپنی قابلیت، نہ عقل، نہ حوصلے، نہ ہنر میں۔ آپ کے اندر وہ روشنی ہے جو اندھیروں کو چیر سکتی ہے۔ لیکن یہ سب تب ممکن ہے جب آپ اپنی قدر خود کرو۔
خود کو پہچانو، سنوارو اور اُبھارو : یہ دنیا آپ کی منتظر ہے۔ آپ کی آواز، آپ کی سوچ، آپ کی رہنمائی، آپ کا پیار — سب کچھ اس دنیا کو چاہیے۔ اگر آپ ہار مان لو گی، تو صرف آپ نہیں، پوری نسل ہار جائے گی۔ لیکن اگر آپ کھڑی ہو جاؤ، تو آپ کے ساتھ ایک نئی صبح، ایک نئی امید، ایک نیا سفر شروع ہو گا۔ آپ اپنی زندگی کا بہترین نمونہ ہو۔ آپ کے فیصلے، آپ کی محنت، آپ کا خواب۔۔۔ یہی آپ کی کہانی بنائیں گے تو اپنی کہانی خود لکھو، اس میں روشنی، ہمت، وفا اور کامیابی کے رنگ بھرو۔
میری دل کی بات دنیا کی ہر عورت کے لئے!
’’اے عورت!خود کو پہچانو، آپ کمزور نہیں ہیں، بلکہ آپ قوم کی مضبوط ترین بنیاد ہیں۔جب آپ اپنا راستہ بدلیں گی تو ساری دنیا بدل جائے گی۔جب آپ اپنے حوصلے سے اُبھریں گی، تو ہر اندھیرا ختم ہو جائے گا۔آپ۔۔۔ آج سے، ابھی سے — اپنے اندر کے طاقتور کردار پر یقین کرنا شروع کریں۔آپ کا یقین ہی آپ کی عظمت اور کامیابی کی اصل وجہ ہے۔‘‘
