سدھو کی بھارت روانگی سے قبل کرتارپور دربار میں حاضری

واگھہ سرحد//سابق بھارتی کرکٹراور موجودہ سیاستدان نوجوت سنگھ سدھو نے بھارت روانگی سے قبل گوردوارہ دربار صاحب کرتار پورمیں حاضری دی اور مذہبی رسومات ادا کیں۔کرتارپورراہداری کاسنگ ِبنیادرکھنے کی تقریب میں شرکت کیلئے پاکستان آنے والے سابق بھارتی کرکٹراور رکن پارلیمنٹ نوجوت سنگھ سدھو ا واپس بھارت روانہ ہوگئے۔واپسی سے قبل نوجوت سنگھ سدھونیگوردوارہ دربار صاحب کرتار پورمیں حاضری دی اور مذہبی رسومات ادا کیں۔ انہوں نے کہا کہ کرتارپور کوریڈور کے سنگ بنیاد سے ہندستان۔پاکستان تعلقات کے تعلق سے ایک مثبت شروعات ہوئی ہے ۔پاکستان سے ہندستان واپس آئے مسٹر سدھو نے واگھہ سرحد پر نامہ نگاروں سے کہا کہ وہ پاکستان سے محبت اور امکانات لیکر واپس آئے ہیں۔ اب پاکستان سے دشمنی ختم اور دوستی کا دور شروع ہوا ہے ۔ انہوں نے کہاکہ شری گرونانک دیو کے آشیرواد سے دوستی کا موقع ملا ہے اور پاکستان کے وزیراعظم عمران خان کی دریادلی سے سکھوں کی 70برس پرانی مانگ پوری ہوئی ہے ۔ انہوں نے کہاکہ یہ بابا نانک کا کرشمہ ہے اور 12کروڑ نانک کے نام لینے والے سکھوں کی ارداس کا اثر ہے کہ کوریڈور بننے والا ہے ۔ مسٹر سدھو نے کہاکہ وہ دونوں پنجاب کے دلوں کو جوڑکر امید کو یقین میں تبدیل کرکے آئے ہیں۔ انہوں نے کہاکہ جیسا کہ مسٹر خان نے کہاکہ جنگ نہیں ہوسکتی، ہوسکتا ہے کہ آئندہ وقت میں دونوں ممالک کی سرحدوں کو کھول دیا جائے ۔انہوں نے کہاکہ دونوں حکومتیں آگے بڑھیں تو بین الاقوامی سرحد کو کھولا جاسکتا ہے ۔ انہوں نے کہاکہ سرحدوں کو کھول دینے سے 70برسوں سے ٹھپ پڑا کاروبار پھر سے شروع ہ وگا اور دونوں ممالک ایک ہی دن میں سو برس آگے چلے جائیں گے ۔ پاکستان گردوارہ پربندھک کمیٹی کے جنرل سکریٹری اور خالصتان حامی گوپال چاولہ کے ساتھ کھینچی تصویر وائرل ہونے کے بارے میں مسٹر سدھو نے کہاکہ انکی تقریباََ دس ہزار تصاویر کھینچی گئی ہوں گی۔ ان کے ساتھ کون کھڑا ، وہ نہیں جانتے ۔ انہوں نے کہاکہ وہ گوپال چاولہ کو نہیں پہچانتے ۔یو این آئی