واشنگٹن/ریو ڈی جینیرو/نئی دہلی// عالمی وبا کورونا وائرس(کووڈ-19) کے تیزی سے بڑھ رہے معاملات کے درمیان دنیا میں کورونا متاثرین کی تعداد 5.43کروڑ کے پارہوگئی ہے اور اس وبا سے اب تک 13.17 لاکھ سے زائد افرادجاں بحق ہوچکے ہیں۔امریکہ کی جان ہاپکنس یونیورسٹی کے سائنس وانجینئرنگ مرکز(سی ایس ایس ای)کی جانب سے جاری کردہ اعدادوشمار کے مطابق کورونا سے دنیا بھر میں اب تک 54,369,609افراد متاثر ہوئے ہیں اور 13,17,131جاں بحق۔کورونا سے سب سے زیادہ متاثر امریکہ اس وبا سے متاثرہ افراد اور اموات کے معاملے میں پہلے مقام پر ہے اور شفایابی میں یہ تیسرے مقام پرہے۔امریکہ میں اب تک 11036937 افراد متاثر ہوئے ہیں اور یہاں اموات کی تعداد 246214ہے۔مرکزی وزارت صحت و خاندانی بہبود کی جانب سے پیر کی صبح جاری کردہ اعدادوشمار کے مطابق گزشتہ 24 گھنٹوں میں کورونا کے 30548 نئے معاملات کے ساتھ متاثرہ افراد کا اعدادوشمار 88.45 لاکھ کے پارپہنچ گیا ہے اور صحت یاب ہونے والوں کی تعداد 82.49 لاکھ سے زیادہ ہوگئی ہے۔ اس دوران مزید 435 مریضوں کی موت سے اموات کی تعداد 130070 ہوگئی۔ملک میں کورونا کے فعال معاملات کی تعداد 13738 کی کمی کے بعد یہ کم ہوکر 465478 رہ گئی ہے۔برازیل کورونا متاثرین کے معاملے میں تیسرے مقام پر ہے اور شفایابی اور اموات کے معاملے میں دوسرے مقام پر۔ملک میں کورونا وائرس کی زد میں آنے والوں کی تعداد 58.63 لاکھ سے زیادہ ہوگئی ہے جبکہ 165798 افراد جاں بحق ہوچکے ہیں۔فرانس میں اب تک 19.15 لاکھ سے زیادہ افراد متاثر ہوئے ہیں اور 42601 مریض فوت ہوچکے ہیں۔ روس میں کورونا سے متاثرہ افراد کی تعداد 19.1 لاکھ سے تجاوز کر چکی ہے اور اب تک 32885 افراد ہلاک ہوئے ہیں۔ اسپین میں اس وبا کی وجہ سے اب تک تقریباً14.58 لاکھ سے زیادہ افراد متاثر ہوئے ہیں اور 40769افراد لقمہ اجل بن چکے ہیں۔ برطانیہ میں ابھی تک تقریباً 13.72 لاکھ سے زیادہ افراد متاثرہوئے ہیں اور 52026 لوگوں کی موت ہوئی ہے۔ارجنٹائن میں کووڈ -19 سے اب تک قریب 13.1 لاکھ افراد متاثر ہوئے ہیں اور 35436 لوگوں کی موت ہوچکی ہے۔یورپی ملک اٹلی میں 11.78 لاکھ سے زیادہ انفیکٹیڈاور 45229 جاں بحق ہوئے ہیں۔ میکسیکو میں کورونا سے اب تک تقریباً10.06 لاکھ سے زیادہ متاثراور 98542 ہلاک ہوئے ہیں۔پیرو میں اب تک 9.34 لاکھ سے زیادہ افراد متاثراور 65177 لقمہ اجل بن چکے ہیں۔ جرمنی میں اس وائرس کی زد میں 8.02 لاکھ سے زائد افراد آئے ہیں اور 12573 لوگوں کی جان گئی ہے۔ ایران میں اب تک 7.62 لاکھ متاثر اور 41493 ہلاک ہوئے ہیں۔جنوبی افریقہ میں 7.51 لاکھ سے زیادہ افراد متاثر ہوئے ہیں اور20،241 افراد لقمہ اجل بن چکے ہیں۔ پولینڈ میں انفیکشن کے 7.12 لاکھ سے زیادہ کیس ہوچکے ہیں اور 10،348 افراد ہلاک ہوگئے ہیں۔ یوکرین انفیکشن کے لحاظ سے بیلجیم سے آگے نکل گیا ہے جہاں متاثرہ افراد کی تعداد 5.51 لاکھ سے زیادہ ہے اور 9،904 افراد لقمہ اجل بن چکے ہیں۔ بیلجیئم میں 5.35 لاکھ سے زیادہ افراد کورونا سے متاثر ہوئے ہیں اور 14،421 افراد لقمہ اجل بن چکے ہیں۔چلی میں، 5.31 لاکھ سے زیادہ افراد کورونا سے متاثر ہوئے ہیں اور 14،819 افراد ہلاک۔ عراق میں متاثرہ افراد کی تعداد 5.19 لاکھ سے زیادہ ہے اور ہلاک ہونے والوں کی 11،670۔ انڈونیشیا میں، متاثرہ افراد کی تعداد 4.67 لاکھ سے تجاوز کرچکی ہے اور ہلاکتوں کی تعداد 15،211 ہوگئی ہے۔ جمہوریہ چیک میں متاثرین کی مجموعی تعداد 4.60 لاکھ سے تجاوز کرچکی ہے اور اموات کا اعدادوشمار 6،208 ہوگیا ہے۔ نیدرلینڈ میں، کورونا سے 4.54 لاکھ سے زیادہ افراد متاثر ہوئے ہیں اور 8،559 افراد جاں بحق۔ بنگلہ دیش میں متاثرہ افراد کی تعداد 4.32 لاکھ سے زیادہ ہوگئی ہے اور 6،194 افراد ہلاک ہوگئے ہیں۔اب تک، ترکی میں کورونا سے تقریباً 4.14 لاکھ سے زیادہ افراد متاثر ہوئے ہیں اور 11،507 کی موت ہوچکی ہے۔ فلپائن میں اب تک 4.07 لاکھ سے زیادہ افراد اس وبا سے متاثر ہوچکے ہیں اور 7،832 افراد کی موت ہوئی ہے۔ پاکستان میں اب تک 3.52 لاکھ سے زیادہ افراد کورونا سیمتاثر ہوئے ہیں اور 7،092 افراد لقمہ اجل بن چکے ہیں۔اب تک سعودی عرب میں، کورونا سے 3.59 لاکھ سے زیادہ کیس رپورٹ ہوئے ہیں، جبکہ 7،160 افراد ہلاک ہوچکے ہیں۔ اسرائیل میں اب تک 3.23 لاکھ سے زیادہ لوگ اس وبا سے متاثر ہوچکے ہیں اور 2،732 افراد اپنی زندگی سے ہاتھ دھو بیٹھے ہیں۔ کورونا وائرس نے ایکواڈور میں 13،008، کینیڈا میں 11،001، بولیویا میں 8،849، رومانیہ میں 8،926، مصر میں 6453، سویڈن میں 6،164، چین میں 4،742، گوئٹے مالا میں 3،932، پانامہ میں 2،873 اور ہونڈوراس میں 2،823 افراد ہلاک ہوئے ہیں۔یواین آئی۔الف الف
دنیابھر میں میں کورونا متاثرین کی تعدادساڑھے 5کروڑ کے نزدیک
ملک و جہان کی خبروں سے رہیں اپڈیٹ
نیوز لیڑ ای میل پر پائیں
