جنڈیال میں کسانوں کیلئے تربیتی کیمپ کاانعقاد

 جموں//پنچایت جنڈیال سرکل جنڈیال زون بھلوال میں سیڈولیج کے تحت ایک روزہ کسانوں کے تربیتی کیمپ کاانعقاد کیاگیا۔اس دوران کسانوں کودالوں،تلہن اوردیگرفصلوں کی کاشت کے جدید ترین طریقوں کے بارے میں آگاہ کیاگیا۔کیمپ کاانعقاد بلبیرسنگھ سابق سرپنچ جنڈیال کی صدارت میں کیاگیا ۔ بی جے کوے اے ای او بھلوال، امریک سنگھ ،مہندرکور ،جے اے ای او ایس ،جسویندرسنگھ ،سروجیت سنگھ ،انیل گپتا ،جتندرسنگھ ،وشال منہاس ، اویکا لوری، اے ای اے ایس اورعلاقہ کے ترقی پسند کسانوں نے اس کیمپ میں شرکت کی۔ شردکمارمنیجر ری لائنس انشورنس نے اس موقعہ پر کسانوں کوپردھان منتری فصل بیمہ یوجناکے بارے میں جانکاری دی ۔ اس کیمپ کاانعقاد ڈائریکٹرزراعت اے کے رازدان اورایس ڈی اے اورمڑھ آرایس جموال کی ہدایت پرکیاگیاتھا۔