عظمیٰ نیوزسروس
جموں// جموں میں بشناہ کے سکندر پور علاقے میں جمعرات کی صبح ایک عدم شناخت لاش بر آمد کی گئی ۔ذرائع نے بتایا کہ بشناہ کے سکندر پور علاقے میں مقامی لوگوں نے جمعرات کی صبح ایک نہر کے نزدیک ایک لاش دیکھی۔انہوں نے کہا کہ لاش دیکھنے کے بعد لوگوں نے پولیس کو مطلع کیا۔ان کا کہنا تھا کہ اطلاع موصول ہونے کے بعد پولیس کی ایک ٹیم جائے موقع پر پہنچ گئی اور لاش کو قانونی و طبی لوازمات کی ادائیگی کے لئے اپنی تحویل میں لے لیا۔ادھر ستواری علاقے میں نالہ سے عدم شناخت لاش برآمد کی گئی ہے۔اطلاعات کے مطابق ستواری جموں میں چند مقامی افراد نے نالہ میں ایک لاش دیکھی اور اس بارے میں پولیس کو مطلع کیا۔پولیس ٹیم فوری طورپر جائے موقع پر پہنچی اور لاش کو تحویل میں لے کر اس کی شناخت کے لئے کارروائی شروع کی ہے۔
