کشتواڑ سنتھن روڑ | 5ماہ بعدکھول دیا گیا

جموں// جموں خطے کے کشتواڑ کو جنوبی کشمیر کے اننت ناگ سے جوڑنے والی کشتواڑ سنتھن روڈ کو طبی ہنگامی صورتحال کے لئے دوبارہ کھول دیا گیا ہے۔حکام نے بتایا کہ کشتواڑ کے ڈپٹی کمشنر اشوک کمار شرما نے حکم دیا  ہے کہ صرف مریضوں کو میڈیکل سے متعلقہ ہنگامی صورتحال کے لئے لے جانے والی گاڑیوں کو ہی سرینگر کی طرف جانے کی اجازت ہوگی اور اس کے برعکس کشتواڑ – سنتھن راستے سے گزریں گی۔ انہوں نے کہا کہ اجازت شدہ گاڑیوں کی نقل و حرکت کا وقت صبح 10 بجے سے شام 4 بجے تک ہوگا۔سنتھن کے اوپر اور اس سے ملحقہ علاقوں میں سردیوں کے دوران شدید برف باری ہوتی ہے جس کے نتیجے میں یہ سڑک سالانہ دسمبر سے پانچ سے چھ ماہ تک بند رہتی ہے۔