مزید خبریں

جموں// 2018 میں قانونی مدد مانگنے والی خاتون کے ساتھ عصمت ریزی اور دھوکہ دہی کے لیے ایک عدالتی افسر کو مجرم قرار دینے کے دو دن بعد جموں کی ایک فاسٹ ٹریک عدالت نے اسے دس سال کی سخت قید اور 50 ہزار روپے جرمانے کی سزا سنائی۔جموں کے مجرم راجیش کمار ابرول کو بھی سات سال قید اور 20,000 روپے جرمانے کی سزا سنائی گئی ہے۔ عصمت دری اور دھوکہ دہی کا مقدمہ چلنے سے پہلے ابرل سب جج تھے۔فاسٹ ٹریک کورٹ کے جج خلیل چودھری نے کہا کہ دونوں سزائیں ایک ساتھ چلیں گی۔عدالت نے اپنے فیصلے میں کہا کہ ”یہ نہ صرف عدالت کا فرض ہے بلکہ سماجی اور قانونی ذمہ داریاں بھی اس پر واضح طور پر عائد کی گئی ہیں کہ وہ نہ صرف جرم بلکہ مجرم کو بھی مدنظر رکھتے ہوئے قانون کے مطابق مناسب سزا دے جبکہ روک تھام اور اصلاح بنیادی طور پر سماجی مقاصد ہیں“۔ان کاکہناتھا"یہ عدالت کا فرض ہے کہ وہ مناسب سزا سنائے، کیونکہ مطلوبہ سزا کا ایک مقصد معاشرے کا تحفظ اور اس کے اجتماعی ضمیر کا جائز جواب ہے“۔فیصلہ میںمزید کہاگیا"بنیادی اصول جو رہنما ہوناچاہیے وہ یہ ہے کہ سزا متناسب ہونی چاہیے۔ یہ سماجی ضمیر کے لیے قانون کا جواب ہے۔ ایک طرح سے ، یہ معاشرے کے لیے ایک ذمہ داری ہے جس نے اعتماد اور اعتماد کو بحال کیا ہے۔اثر و رسوخ رکھنے والے افراد ، ان کی پہنچ ، اثر اور اختیار کو مدنظر رکھتے ہوئے جو وہ عام لوگوں یا مخصوص طبقے پر رکھتے ہیں جس پر وہ ذمہ دار ہیں اور انہیں زیادہ ذمہ دار ہونا چاہیے۔ تجربہ اور علم کے ساتھ قانون۔ یہ سمجھنا مناسب ہے کہ وہ اپنی زندگی میں محتاط رہیں گے۔"

 

 

جموں// جموں وکشمیر کے ضلع ریاسی میں ایک دلدوز سڑک حادثے میں ماں بیٹے سمیت تین افراد کی موت جبکہ چار دیگر زخمی ہوگئے ہیں۔سرکاری ذرائع نے بتیا کہ جنوبی کشمیر کے ضلع پلوامہ سے ریاسی آ رہا ایک ٹاٹا موبائیل چکلاس ماہور کے نزدیک فردوسی موڑ پر سڑک پر پلٹ گیا جس کے نتیجے میں تین مسافروں کی بر سو موقع ہی موت واقع ہوئی جبکہ چار دیگر زخمی ہوگئے ۔انہوں نے بتایا کہ زخمیوں کو علاج و معالجے کے لئے نزدیکی ہسپتال منتقل کیا گیا ہے ۔متوفین کی شناخت 42 سالہ بانو بی بی زوجہ مختار احمد ان کا بیٹا 5 سالہ مرشد علی اور محمد عمران ولد محمد شریف ساکنان چنکہ ارناس کے بطوئی ہے ۔زخمیوں کی شناخت 45 سالہ مختار احمد، 24 سالہ رضیہ بیگ دختر عبدالعزیز،8 سالہ سجاد احمد ولد محمد جمال اور 50 سالہ ارشدہ بیگم زوجہ عبدالعزیز کے بطور ہوئی ہے ۔ہسپتال ذرائع کے مطابق زخمیوں کی حالت مستحکم ہے ۔

 

جموں//جموں کے مضافاتی علاقہ ستواری میںپالتو کتوں کولیکرہمسایہ گھرانوںمیں ہوئے جھگڑے کے دوران ایک45سالہ شخص گولی لگنے سے ہلاک ہوگیاجبکہ 30سالہ نوجوان شدیدزخمی ہوگیا،اوروہ جی ایم سی جموں سے منسلک اسپتال میں زیرعلاج ہے۔ جمعہ کورات دیرگئے جموںکے ستواری علاقہ میں اُسوقت تشویش کی لہرپیداہوئی ،جب یہاں دوہمسایہ کنبوںکے درمیان پالتوکتوںکولیکر لڑائی شروع ہوئی ۔مقامی لوگوںنے بتایاکہ پہلے دونوںکنبوںکے افرادمیں تلخ کلا می ہوئی ،تاہم اسکے بعدجھگڑے نے اُسوقت خطرناک رُخ اختیارکیاجب ایک کنبے کے ایک فرد نے مبینہ طورپرشراب کے نشے میں دُھت ہوکر ریوالر(پستول(نکالا،اورفائرنگ کردی ۔بتایاجاتاہے کہ دو پڑوسیوں کے درمیان معمولی بات پر جھگڑے کے بعد فائرنگ کے واقعے میں ایک 45 سالہ شخص ہلاک اور30سالہ دوسرا شدید زخمی ہوگیا۔پولیس ذرائع نے اس واقعے کی تصدیق کرتے ہوئے بتایا کہ45سالہ جگل کشور اور 30سالہ مہندر لال اس واقعے میں شدید زخمی ہوئے اور اُنہیں فوری طور پر گورنمنٹ میڈیکل کالج (جی ایم سی) ہسپتال جموںپہنچایا گیا ، جہاں جگل کشور کو مردہ قرار دیا گیا ، جبکہ مہندر لال سر میں چوٹ لگنے کے باعث زیر علاج ہے۔انہوں نے بتایا کہ پولیس نے مقدمہ درج کر کے ملزمان کو کیفرکردار تک پہنچانے کےلئے تفتیش شروع کر دی ہے۔اُدھر مہندر لال کے اہل خانہ نے دعویٰ کیا کہ یہ کشور کا بھائی تھا جس نے شراب کے نشے میں دھت ہوکرایک ریوالور نکالا اور فائرنگ کی ،کیونکہ ہم نے اُنھیں اپنے پالتو کتوں کوکھلاچھوڑنے پر اعتراض کیا جو کہ علاقے کے لئے ایک پریشانی بن گئے ہیں اور یہاں تک کہ کتوںنے ان کی نابالغ بیٹی کو بھی کچھ عرصہ پہلے کاٹ لیا۔