مزید خبریں

 

جموں// جی ڈی سی پرمنڈل نے سائبر کرائم اور اس سے بچاو کے اقدامات کے عنوان پر آن لائن ویبنار کا انعقاد کیا۔وہیںانٹرنیٹ، سوشل میڈیا اور ممکنہ سائبر جرائم پر اس کے اثرات پر ویبنار میں جانکاری فراہم کی گئی ۔ ویبنار کے ریسورس پرسن سائبر کرائم کے ماہر محمد یاسین کچلو، ایس ایس پی سیکورٹی سول سیکریٹریٹ جموں وکشمیرتھے۔اس موقع پر کالج کی پرنسپل پروفیسر سیما میر نے ریسورس پرسن کا باقاعدہ استقبال کیا۔ وہیں ریسورس پرسن محمد یاسین کچلو نے آئی ٹی ایکٹ کے بارے میں تفصیل سے بات کی جو 2000 میں ای کامرس کو قانونی شکل دینے اور تیز رفتار انٹرنیٹ کی دنیا سے ہم آہنگ ہونے کے لیے متعارف کرایا گیا تھا۔ انہوں نے اپنے لیکچر کا آغاز طلبہ کو انٹرنیٹ کے بارے میں آگاہی دے کر کیا جس میں فیس بک، انسٹاگرام، واٹس ایپ، جی میل وغیرہ شامل ہیں۔ تاہم لیکچرکا طریقہ جامع تھا تاکہ طلبہ کو سائبر کرائم کے بارے میں سمجھایا جا سکے۔ انہوں نے کہا کہ کوئی بھی غیر قانونی عمل جس میں انٹرنیٹ کے ذریعے منسلک کمپیوٹر یا تو ایک ٹول ہو یا ہدف یا دونوں ہی سائبر کرائم ہیں۔ موصوف نے کہاکہ کمپیوٹر کا مطلب صرف ڈیسک ٹاپ نہیں ہے بلکہ اس میں کیلکولیٹر کے علاوہ کوئی بھی ڈیجیٹل ڈیوائس شامل ہے۔ انہوں نے کہاکہ ان جرائم میں دھوکہ دہی، جنسی استحصال، فشنگ، بدنامی اور ذاتی انتقام کا باعث بننے والے بھتہ شامل ہیں۔ موصوف نے کہاکہ لوگوں کی اکثریت خواہ وہ اساتذہ ہوں یا طالب علم یا بہت پڑھے لکھے افراد جن کے پاس ٹیکنالوجی کے بارے میں بہت زیادہ علم ہے وہ یہ غلط تصور کر رہے تھے کہ وہ بہت ٹیک سیوی ہیں لیکن محمد یاسین کچلو جیسی متحرک اور خوشنما شخصیت کو سن کر اس طرح کے معلوماتی اور روشن خیال لیکچر سے بہت سے شکوک و شبہات دور ہو گئے۔اس دوران طلباءنے ریسورس پرسن کو غور سے سنا اور آخر میں ماہر کے ساتھ بات چیت کی اور ان کے سوالات کے جوابات دئے کیا۔