عظمیٰ نیوز سروس
سرینگر// امریکہ اور ایران کے درمیان دو ہفتے کی جنگ بندی کے اعلان کے بعد پوری وادی کشمیر اور لداخ کے کچھ حصوں میں بڑے پیمانے پر جشن منایا گیا۔ڈونلڈ ٹرمپ کی طرف سے اعلان کردہ جنگ بندی نے کشمیر میں زمینی سطح پر خاص طور پر شیعہ اکثریتی علاقوں میں فوری ردعمل کا اظہار کیا جہاں لوگوں نے اس پیشرفت کو ایران کی “فتح” قرار دیا۔سرینگر، ماگام،بڈگام، بارہمولہ، پلوامہ اور بانڈی پورہ اضلاع میں کثیر تعداد میں خواتین و مرد سڑکوں پر نکل آئے، ایرانی پرچم لہراتے ہوئے، پٹاخے پھوڑے اور مٹھائیاں تقسیم کیں۔جڈی بل اورسعدہ کدل جیسے علاقوں میں، ہجوم نے “جیت ہماری” اور “اللہ اکبر” کے نعرے لگائے جبکہ کچھ نے مقتول سپریم لیڈر علی خامنہ ای سمیت ایرانی رہنمائوں کی تصویریں اٹھا رکھی تھیں۔ تقریبات کشمیر اور ایران کے درمیان دیرینہ ثقافتی اور مذہبی تعلقات کی عکاسی کرتی ہیں، جنہیں اکثر مقامی طور پر “ایران صغیر” یا “چھوٹا ایران” کہا جاتا ہے۔ لداخ کے کرگل سے بھی اسی طرح کے جذبات کی اطلاع ملی۔تاہم، تقریبات کے درمیان، مذہبی تنظیموں نے تحمل سے کام لینے کا مطالبہ کیا۔
