ایل جی انتظامیہ ملازمین کے احتجاج کو نظر انداز کر رہی ہے : عام آدمی پارٹی

جموں//جموں و کشمیر کے لیفٹیننٹ گورنر انتظامیہ خصوصی پیکیج اور ریزرو زمرے کے ملازمین کے احتجاج پر غیر سنجیدگی سے پیش آرہی ہے اور کوئی بھی ان کی پریشانیوں کے بارے میں سنجیدہ نہیں ہے اور بھارتیہ جنتا پارٹی محض جھوٹے بیانات جاری کرکے اور کمیٹیاں بنا کر لوگوں کو بے وقوف بنا رہی ہے جن کی کوئی حقیقت نہیں ہے۔عام آدمی پارٹی کے ریاستی ترجمان اور میڈیا کوآرڈینیشن کمیٹی کی رکن ایڈوکیٹ اپو سنگھ نے یہ بیانات جموں میں ایک پریس کانفرنس سے خطاب کرتے ہوئے جاری کیے تاکہ ریزرو زمرے کے ساتھ ساتھ خصوصی پیکج کے ملازمین کی شکایات کو اجاگر کیا جا سکے جو مہینوں سے احتجاج پر ہیں اور حکومت کی جانب سے بہترین ممکنہ اقدامات کے ذریعے انہیں دباو میں جالا گیا ہے۔اپو سنگھ نے کہا ان ملازمین کے معاملے کو ایک انسانی مسئلہ کے طور پر لیا جانا چاہیے تھا لیکن بدقسمتی سے کسی نے اس پہلو پر توجہ نہیں دی اور آنے والی تمام حکومتوں اور سیاسی جماعتوں نے اسے سیاسی مسئلہ اور انتخابی اسٹنٹ بنا دیا ہے۔اپو سنگھ نے کہا، “اگر آپ ان ملازمین اور خاص طور پر تارکین وطن کے لیے حالیہ برسوں میں جاری ہونے والی یکے بعد دیگرے حکومتوں اور سیاسی جماعتوں کے بیانات کا جائزہ لیں تو یہ محسوس ہوگا کہ یہ مسئلہ مکمل طور پر حل ہو چکا ہے لیکن صورت حال اب بھی جوں کی توں ہے اور یہ سیاسی جماعتیں اب بھی کوششیں کر رہی ہیں کہ اسے سیاسی مسئلہ کے طور پر جاری رکھیں”۔انہوں نے مزید کہا، “جموں و کشمیر کی سربراہی عزت مآب لیفٹیننٹ گورنر کر رہے ہیں اور ان کے ایک ایک لفظ کا نظام پر اثر پڑتا ہے لیکن ان کا ان ملازمین کے لیے دیا گیا حالیہ بیان مکمل طور پر افسوسناک ہے اور یہ ظاہر کرتا ہے کہ ایل جی انتظامیہ ان ملازمین سے بات کرنے کے بجائے ان کی آواز کو طاقت کے ذریعے کچلنے کی کوشش کر رہی ہے”۔ اس نے مزید کہا ہم نے ہمیشہ مطالبہ کیا ہے کہ ان ملازمین کے مسئلے کو ایک انسانی مسئلہ کے طور پر دیکھا جانا چاہئے لیکن بدقسمتی سے جموں و کشمیر کی ایل جی انتظامیہ اور حکمراں بی جے پی اس کو حل کرنے کی کوششوں کے بجائے مزید گڑبڑ پیدا کر رہی ہے”۔انہوں نے مزید کہا کہ اگر ان ملازمین کی شکایت ایل جی انتظامیہ کے لیے کوئی معنی نہیں رکھتی تو کس وجہ سے اکتوبر کے مہینے میں ان کی شکایات کا جائزہ لینے کے لیے ایک کمیٹی بنائی گئی۔عام آدمی پارٹی سے تعلق رکھنے والی اپو سنگھ نے بھارتیہ جنتا پارٹی کو مزید نشانہ بناتے ہوئے کہا کہ بی جے پی کے صدر رویندر رینہ نے حال ہی میں ایک بیان جاری کیا ہے کہ ان ملازمین کے معاملے پر پارٹی کے سینئر لیڈروں سے بات کی جائے گی لیکن حیرت کی بات ہے کہ ان ملازمین کے مہینوں کے احتجاج کے بعد بی جے پی چیف صرف سینئر لیڈروں کے ساتھ معاملہ پر بات کرنے جا رہے ہیں۔