اعجاز اسد نے شاہد اقبال کی موجودگی میں عہدہ سنبھالا

 

پرویز خان 

 

منجاکوٹ//ڈپٹی کمشنر پونچھ سے تبدیل ہوکر ڈپٹی کمشنر راجوری تعینات ہونے والے نوجوان آئی اے ایس افسرمحمد اعجاز اسد کا منجاکوٹ میں متعدد مقامات پر استقبال کیاگیا۔ تحصیل کے لوگوں نے بڑی تعداد میں موصوف کا بی جی کے مقام پر استقبال کیااور انہیں وہاں سے ایک قافلے کی شکل میں راجوری لایاگیا۔راستے میں پتراڑہ اور منجاکوٹ میں بھی لوگوں نے ان کا استقبال کیا او ر انہیں پھول مالائیں پہنائی گئیں ۔مقامی لوگوں کاکہناہے کہ انہیں پوری امید ہے کہ اعجاز اسد بھی ڈاکٹر شاہد اقبال کی طرح کام کریں گے ۔اس موقعہ پر ایڈیشنل ڈپٹی کمشنر کوٹرنکہ شفیق چوہدری،تحصیلدار منجاکوٹ شیراز چوہدری،سی ای او محکمہ سیاحت لیاقت چوہدری ،زیڈ ای او منجاکوٹ و دیگر افسران اور معززین بھی موجو دتھے۔