عظمیٰ ویب ڈیسک
سرینگر// ضلع پولیس سرینگر نے سوشل میڈیا پر فرقہ وارانہ اور اشتعال انگیز مواد پوسٹ کرنے کی پادائش میں تین افراد کو پولیس تھانے پر طلب کیا۔
سرینگر پولیس نے ایکس پر لکھا،’سوشل میڈیا پر فرقہ وارانہ اور اشتعال انگیز مواد پوسٹ کرنے کا سخت نوٹس لیتے ہوئے پولیس نے تین افراد کو پوچھ گچھ کی خاطر طلب کیا ہے‘۔
انہوں نے کہاکہ ملوثین کے خلاف مناسب قانونی کارروائی عمل میں لائی جائے گی۔
پولیس نے عوام الناس سے اپیل کی ہے کہ وہ اشتعال انگیز مواد پوسٹ یا شیئر کرنے سے احتراز کریں کیونکہ خلاف ورزی کرنے والوں کے خلاف سخت سے سخت قانونی کارروائی عمل میں لانے سے بھی گریز نہیں کیا جائے گا۔
