عظمیٰ ویب ڈیسک

سرینگر// جموں و کشمیر میں ہلکی بارشوں کا سلسلہ گزشتہ شب جاری ہوا جو مہینے کے آخر تک کئی علاقے میں رُک رُک کر جاری رہنے کا امکان ہے۔ ہلکی بارشوں کے درمیان جمعرات کو پوری وادی میں شبانہ درجہ حرارت میں اضافہ ریکارڈ کیا گیا۔
محکمہ موسمیات کے ایک عہدیدار نے بتایا کہ گزشتہ 24 گھنٹوں میں پہلگام میں 4.4 ملی میٹر بارش ہوئی، گلمرگ میں 3.4 ملی میٹر، بانہال میں 2.6 ملی میٹر، قاضی گنڈ میں 1.6 ملی میٹر، بھدرواہ میں 1.2 ملی میٹر، بٹوت میں 0.7 ملی میٹر، کوکرناگ اور جموں میں 0.6 ملی میٹر، اور سری نگر 0.1 ملی میٹر بارش ہوئی۔
شبانہ درجہ حرارت کے بارے میں، انہوں نے کہا، سرینگر میں گزشتہ رات درجہ حرارت 9.5 ڈگری سینٹی گریڈ کے مقابلے میں کم از کم 9.8 ڈگری سینٹی گریڈ ریکارڈ کیا گیا اور سال کے اس وقت جموں و کشمیر کے گرمائی دارالحکومت کے لیے یہ معمول سے 3.7 ڈگری سینٹی گریڈ سے زیادہ تھا۔
انہوں نے کہا کہ قاضی گنڈ میں گزشتہ رات درجہ حرارت 8.0 ڈگری سینٹی گریڈ کے مقابلے میں کم از کم 9.8 ڈگری سینٹی گریڈ ریکارڈ کیا گیا اور کشمیر کے گیٹ وے ٹاون کے لئے یہ معمول سے 5.1 ڈگری سینٹی گریڈ زیادہ تھا۔
پہلگام میں گزشتہ رات درجہ حرارت 4.7 ڈگری سینٹی گریڈ کے مقابلے میں 5.0 ڈگری سینٹی گریڈ ریکارڈ کیا گیا اور یہ جنوبی کشمیر کے مشہور تفریحی مقام کے لئے معمول سے 3.4 ڈگری سینٹی گریڈ زیادہ تھا۔
عہدیدار نے بتایا کہ جنوبی کشمیر میں بھی کوکرناگ میں گزشتہ رات درجہ حرارت 7.7 ڈگری سینٹی گریڈکے مقابلے میں کم از کم 9.1 ڈگری سینٹی گریڈ ریکارڈ کیا گیا اور یہ معمول سے 4.4 ڈگری سینٹی گریڈ زیادہ تھا۔
اُنہوں نے بتایا کہ کپوارہ شہر میں گزشتہ رات درجہ حرارت 7.7 ڈگری سینٹی گریڈ کے مقابلے میں 9.5 ڈگری سینٹی گریڈ ریکارڈ کیا گیا اور وہاں یہ معمول سے 5.0 ڈگری سینٹی گریڈ زیادہ تھا۔
گلمرگ میں گزشتہ رات درجہ حرارت 3.0 ڈگری سینٹی گریڈ کے مقابلے میں 2.0 ڈگری سینٹی گریڈ ریکارڈ کیا گیا اور شمالی کشمیر کے بارہمولہ ضلع میں دنیا کے مشہور سیاحتی مقام کے لئے یہ معمول سے 2.8 ڈگری سینٹی گریڈ زیادہ تھا۔
انہوں نے کہا کہ جموں میں کم از کم درجہ حرارت 18.8 ڈگری سینٹی گریڈ ریکارڈ کیا گیا اور یہ جموں کے سرمائی دارالحکومت کے لیے معمول سے 2.2 ڈگری سینٹی گریڈ زیادہ تھا۔
عہدیدار نے کہا کہ بانہال میں کم سے کم درجہ حرارت 11.2 ڈگری سینٹی گریڈ، بٹوت میں 12.1 ڈگری سینٹی گریڈ اور بھدرواہ میں 10.8 ڈگری سینٹی گریڈ ریکارڈ کیا گیا۔
اسی دوران محکمہ موسمیات کے عہدیدار نے کہا کہ اگلے 24 گھنٹوں کے دوران کئی مقامات پر ہلکی بارش (میدانی علاقوں میں)، بالائی علاقوں میں برفباری کے ساتھ عام طور پر ابر آلود موسم متوقع ہے۔
اُنہوں نے کہا کہ 29 مارچ کی شام سے 30 مارچ کی رات کے دوران زیادہ تر مقامات پر ہلکی بارش/برف کے ساتھ عام طور پر ابر آلود موسم متوقع ہے۔
انہوں نے مزید کہا کہ 31 مارچ کو، جزوی طور پر عام طور پر ابر آلود موسم کے ساتھ کچھ جگہوں پر وقفے وقفے سے ہلکی بارش، برفباری کی توقع ہے۔ اس کے بعد عام طور پر خشک موسم کی پیش گوئی کی گئی ہے۔