عظمیٰ ویب ڈیسک
سری نگر/سری نگر میں واقع کشمیر کے واحد اور سب سے بڑے آیوش ہسپتال میں یوگا سہولت کا آغاز کیا گیا ہے۔اس یوگا سینٹر جو ایک بڑے ہال میں قائم ہے، کا افتتاح ہفتہ کو شعبہ کی ڈائریکٹر ڈاکٹر نزہت بشیر نے جامعہ ملیہ اسلامیہ یونیورسٹی کے بانیوں میں سے ایک معروف یونانی اسکالر حکیم اجمل خان صاحب کی سالگرہ کے موقع پر کیا تھا۔
اس سینٹر میں امراض نسواں کے علاوہ مختلف بیماریوں جیسے ہائی بلڈ پریشر، ذیابیطس اور موٹاپے کا علاج کیا جائے گا اور مریض یومیہ یوگا مشق سے نمایاں طور پر مستفید ہوں گے۔ہسپتال کے نئے یوگا سینٹر میں مروج یوگا طریقوں کے ساتھ جدید علاج کی تکنیکوں کو ملا کر تندرستی کے لیے ایک جامع نقطہ نظر اپنایا جائے گا۔ڈاکٹر نزہت بشیر نے اپنے خطاب میں کہایہ یوگا سہولت ہمارے معاشرے میں طرز زندگی سے متعلق بہت سی بیماریوں کو دور کرنے میں مدد گار ثابت ہوگی۔
کشمیر کے سب سے بڑے آیوش ہسپتال میں یوگا کی نئی سہولت شروع
