سرینگر// وزیر اعلیٰ عمر عبداللہ نے کہا ہے کہ راجوری کے بڈھال گاؤں میں پراسرار اموات کی تحقیقات جاری ہیں اور حکومت کو جلد ان اموات کی وجوہات کا پتہ چل جائے گا۔
صحافیوں سے بات کرتے ہوئے عمر عبداللہ نے بتایا کہ ابتدائی تحقیقات سے یہ بات سامنے آئی ہے کہ یہ اموات کسی وائرس یا بیکٹیریا کی وجہ سے نہیں ہوئیں۔
انہوں نے مزید کہا کہ طبی ٹیمیں، ایس آئی ٹی اور وزارت داخلہ کی زیر قیادت بین الوزارتی ٹیمیں اس معاملے کی تحقیقات کر رہی ہیں اور بہت جلد اس کی وضاحت فراہم کی جائے گی۔
بڈھال گاؤں میں اب تک پراسرار بیماری کے باعث 17 افراد کی موت ہو چکی ہے، جبکہ 4 افراد، جن میں تین سگے بہن بھائی بھی شامل ہیں، علاج کے لئے ہسپتال میں داخل ہیں۔