عظمیٰ ویب ڈیسک

کشتواڑ// خطہ چناب کے کشتواڑ ضلع میں جمعرات کی شام پیش آئے ایک سڑک حادثے میں ایک شخص کی موت واقع ہو گئی ہے جبکہ دوسرا شدید طور پر زخمی ہو گیا ہے۔
پولیس ذرائع نے بتایا کہ جمعرات کی شام قریب ساڑھے چھ بجے نون پالن کوچھل میں ایک وین زیر رجسٹریشن نمبر JK17-3372 کوچھل سے مغل میدان کے چھاترو کی طرف جاتے ہوئے حادثہ کا شکار ہو گئی، جس دوران دو افراد زخمی ہو گئے جنہیں مقامی لوگوں کی مدد سے جائے حادثہ سے نکال کر ہسپتال منتقل کیا گیا۔
زخمیوں کی شناخت بلال احمد ولد اسماعیل گوجر سکنہ تھل مغل میدان عمر قریب 20 سال اور عبدالرشید ولد محمد یعقوب گجر عمر سکنہ تھال مغل میدان کے طور پر ہوئی ہے۔
ذرائع نے بتایا کہ زخمیوں کو ضلع ہسپتال کشتواڑ منتقل کیا گیا جہاں ڈاکٹروں نے عبدالرشید کو مردہ قرار دے دیا۔
ادھر پولیس نے واقع کا نوٹس لیتے ہوئے مقدمہ درج کر کیا ہے اور حادثہ کی وجوہات کا پتہ لگایا جا رہا ہے۔