لکھن پور میں نجی گاڑی سے ڈھائی سے تین کروڑ روپیہ برآمد، کشمیر کے رہنے والے دو نوجوان گرفتار

عظمیٰ ویب ڈیسک
جموں/جموں وکشمیر کے لکھن پور میں پولیس نے ناکہ چیکنگ کے دوران نجی گاڑی سے ڈھائی سے تین کروڑ روپیہ نقدی برآمد کرکے سری نگر سے تعلق رکھنے والے دو نوجوانوں کو حراست میں لیا ہے۔
اطلاعات کے مطابق لکھن پور میں معمول کی چیکنگ کے دوران جموں وکشمیر پولیس نے ایک کیرٹا گاڑی کو روک کر اس کی تلاشی لی جس دوران گاڑی سے نقدی دو سے تین کروڑ روپیہ برآمد کئے گئے۔
معلوم ہوا ہے کہ پولیس نے سری نگر سے تعلق رکھنے والے دو نوجوانوں کی گرفتاری عمل میں لا کر انہیں جوائنٹ انٹروگیشن سینٹر منتقل کیا۔ذرائع کا کہنا ہے کہ گرفتار نوجوانوں سے پوچھ تاچھ جاری ہے۔اس سلسلے میں مزید تفصیلات کا انتظار ہے۔