عظمیٰ نیوز سروس
جموں// آٹھواں مرکزی تنخواہ کمیشن 1 جون سے 4 جون 2026 تک سرینگر کا دورہ کرے گا، تاکہ تنخواہوں کے ڈھانچے اور الائونسز کے سلسلے میں مختلف سٹیک ہولڈرز سے بات چیت کی جا سکے۔جمعہ کوجاری کردہ ایک سرکاری نوٹس کے مطابق، مرکزی اور یوٹی حکومت کی تنظیمیں، ادارے، اور یونین جو کمیشن سے ملاقات کرنا چاہتے ہیں، سب سے پہلے سرکاری ویب سائٹ 8cpc.gov.in پر ایک میمورنڈم جمع کرائیں۔اس کے بعد، نمائندوں کو 16 مئی 2026 تک نامزد NIC فارمز کے لنک کے ذریعے ابتدائی جمع کرانے کے دوران فراہم کردہ منفرد میمو ID کا استعمال کرتے ہوئے ملاقات کی درخواست کرنی ہوگی۔جبکہ چار روزہ دورے کے لیے مخصوص مقام کی تفصیلات اور میٹنگ کا شیڈول جلد ہی جاری کیے جانے کی امید ہے۔ کمیشن نے یہ بھی واضح کیا کہ آنے والے مہینوں میں ہندوستان کی دیگر ریاستوں اور مرکز کے زیر انتظام علاقوں میں بھی اسی طرح کی مشاورتی میٹنگیں منعقد کی جائیں گی۔
