عظمیٰ نیوز سروس
سرینگر//سیکورٹی فورسز نے بارہمولہ کے تاپر کریری علاقے میں معمول کے محاصرے اور تلاشی آپریشن کے دوران ایک زندہ چینی گرینیڈ برآمد کیا۔ایک سینئر پولیس افسر نے بتایا کہ یہ آپریشن سپیشل آپریشنز گروپ کریری اور ایس ایس بی کی دوسری بٹالین نے تاپر کریری میں زرعی بیج فورم میں مشترکہ طور پر شروع کیا تھا۔تلاشی کے دوران فورم سے ملحقہ باغ سے ایک زندہ چینی دستی بم برآمد ہوا۔ افسر نے مزید کہا کہ دھماکہ خیز مواد کو پولیس نے اپنے قبضے میں لے لیا ہے۔انہوں نے کہا کہ اس معاملے میں کیس درج کر لی گئی ہے اور تحقیقات جاری ہے۔
