یو این آئی
دبئی /انٹرنیشنل کرکٹ کونسل (آئی سی سی) نے پاکستانی کرکٹر بابر اعظم پر کوڈ آف کنڈکٹ کی خلاف ورزی پر جرمانہ عائد کردیا۔آئی سی سی کے مطابق بابر اعظم نے سری لنکا کے خلاف تیسرے میچ میں کوڈ آف کنڈکٹ کی خلاف ورزی کی تھی۔آئی سی سی کا کہنا ہے کہ بابراعظم پر لیول ون خلاف ورزی پر میچ فیس کا دس فیصد جرمانہ عائد کیا گیا ہے ۔آئی سی سی رپورٹ کے مطابق بابر اعظم کے ڈسپلنری ریکارڈ میں ایک ڈی میرٹ پوائنٹ بھی شامل کیا گیا ہے ۔ واضح رہے کہ بابر اعظم نے سری لنکا کے خلاف راولپنڈی اسٹیڈیم میں 21ویں اوور میں آوٹ ہونے کے بعد بیٹ اسٹمپس کو مارا تھا۔
