ہاکی ورلڈ کپ کوالیفائنگ

ڈھاکہ/یواین آئی/ہاکی ورلڈ کپ کوالیفائنگ راؤنڈ کے پہلے میچ میں پاکستان نے شاندار کارکردگی کا مظاہرہ کرتے ہوئے بنگلادیش کو آٹھ کے مقابلے میں دو گول سے شکست دے دی۔ تین میچوں پر مشتمل سیریز کی فاتح ٹیم ورلڈ کپ کوالیفائنگ راؤنڈ میں جگہ بنائے گی۔ پاکستان کی جانب سے احمد ندیم اور افراز نے دو، دو جبکہ عماد بٹ، غضنفر علی، رانا وحید اشرف اور حنان شاہد نے ایک ایک گول اسکور کیا۔ بنگلادیش کی جانب سے حذیفہ اور امیر السلام نے گول کیے ۔ سیریز کا دوسرا میچ 14 نومبر اور تیسرا میچ 16 نومبر کو کھیلا جائے گا۔