ڈوڈہ ضلع کی تحصیل کاہرہ کے جوڑا خورد گاؤں سے کمسن بچی کی نعش برآمد

اشتیاق ملک
ڈوڈہ /ڈوڈہ ضلع کی تحصیل کاہرہ کے گاؤں جوڑا خورد سے ایک کمسن بچی کی لاش پراسرار حالت میں برآمد ہوئی ہے. اطلاعات کے مطابق محمد رفیع ساکنہ جوڑا خورد کی کمسن بچی گذشتہ روز اپنے گھر سے لاپتہ ہوئی۔ اس واقعہ کے فوراً بعد مقامی لوگوں نے گھر والوں کے ساتھ مل کر وسیع پیمانے پر تلاش شروع کیا جس دوران دوران شب گھر کے نزدیک جھاڑیوں سے لڑکی کی لاش مشکوک حالت میں میں برآمد ہوئی۔
مقامی لوگوں کی اطلاع پر پولیس و ایف ایس ایل کی ٹیم موقع پر پہنچی اور معاملہ درج کر کے مزید تحقیقات شروع کی ہے۔ایس ڈی پی او گندوہ نے کشمیر عظمیٰ سے بات کرتے ہوئے اس کی تصدیق کی اور کہا کہ ایک کمسن بچی کی لاش پراسرار حالت میں برآمد ہوئی ہے۔انہوں نے کہا کہ بچی کا پوسٹ مارٹم کیا گیا ہے اور ایف ایس ایل ٹیم بھی موقع پر پہنچی ہے۔ایس ڈی پی او نے کہا کہ اس ضمن میں مقدمہ درج کرکے وسیع پیمانے پر تحقیقات شروع کی ہے۔