جموں وکشمیر کے لوگوں نے پہلگام حملے خلاف یک جٹ ہو کر آواز بلند کی: ناصر اسلم وانی

عظمیٰ ویب ڈیسک
سری نگر/نیشنل کانفرنس کے سینئر لیڈر اور وزیر اعلیٰ عمر عبداللہ کے مشیر ناصر اسلم وانی کا کہنا ہے کہ جموں وکشمیر کے لوگوں نے پہلگام حملے خلاف یک جٹ ہو کر آواز بلند کی۔انہوں نے کہا کہ اس حملے کے خلاف مرکزی حکومت جو بھی فیصلہ لے گی ہم اس کے ساتھ کھڑے ہیں۔
انہوں نے کہاجموں وکشمیر کے لوگوں نے پہلگام حملے کے خلاف یک جٹ ہو کر آواز بلند کی ہے، جنہوں نے یہ گناہ انجام دیا ہے ان کو جلد اس کی سزا ملنی چاہئے۔ان کا کہنا تھامرکزی سرکار جو بھی فیصلہ لے گی ہم اس کے ساتھ کھڑے ہیں۔
عالمی یوم مزدور کے بارے میں اسلم نے کہاہمیں ہر دن محنت کشوں کے مطالبوں کے لئے آواز اٹھانی چاہئے کیونکہ ان کی وجہ سے ہی یہ دنیا بہتر بن سکتی ہے۔انہوں نے کہا کہ مہ صرف یکم مئی کو بلکہ ہر دن محنت کشوں کو یاد کیا جانا چاہئے۔